وفاپرستی کامظاہرہ کرنے پر ملیرکے نوجوانوں کوایم کیوایم کے قائدالطاف حسین کازبردست خراج تحسین

لندن ۔۔۔ 28 مئی 2018ء

متحدہ قومی موومنٹ کے قائدجناب الطاف حسین نے گزشتہ روز وفاپرستی کامظاہرہ کرنے پر ملیرکے نوجوانوں کوزبردست خراج تحسین پیش کیاہے ۔وہ ایم کیوایم امریکہ ،کینیڈا اوربرطانیہ کے کارکنوں کے مشترکہ اجلاس سے فون پر خطاب کررہے تھے۔انہوں نے کہاکہ ویسے توکراچی کے تمام ہی علاقوں کے وفا پرست عوام وقتاً فوقتاً مختلف مواقع پر نعرے لگاکر اپنے قائدسے وفاداری کااظہارکرتے رہتے ہیں لیکن گزشتہ روز ملیرکے نوجوانوں نے اپنے قائدالطاف حسین سے جس محبت وعقیدت اورجوش وجذبہ کابھرپوراندازمیں مظاہرہ کیاہے اس پر وہ وفاپرستی میں پہلے نمبرپرآگئے ہیں جس پر میں انہیں زبردست خراج تحسین پیش کرتاہوں۔ انہوں نے کہاکہ ایم کیوایم کی اس جدوجہد میں ملیرکے کارکنان وعوام نے بہت قربانیاں دی ہیں جوناقابل فراموش ہیں۔

*****