ایم کیوایم امریکہ کے کارکنوں جمشیدوارثی، اسدحسین، عقیل احمدجمالی ، تحریم شاہد اورصبوحی شاہد کو تنظیم کی بنیادی رکنیت سے خارج کردیاگیا

لندن ۔۔۔ 26 اپریل 2018ء

متحدہ قومی موومنٹ کی رابطہ کمیٹی کے ایک فیصلے کے مطابق تنظیمی نظم وضبط کی سنگین خلاف ورذی کرنے،تنظیم میں گروپ بندی کرنے اورتنظیم کے خلاف منفی سرگرمیوں میں ملوث ہونے پر ایم کیوایم امریکہ ہیوسٹن چیپٹر کے جمشیدوارثی، نیوجرسی چیپٹرکے کارکن اسدحسین،شکاگوچیپٹرکے کارکن عقیل احمدجمالی ، شعبہ خواتین کی سابق انچارج تحریم شاہد اورندیم نصرت کی اہلیہ صبوحی شاہد کو تنظیم کی بنیادی رکنیت سے خارج کردیاگیاہے۔ ندیم نصرت کو مہاجردشمن قوتوں کے ساتھ مل کرکام کرنے اور مہاجردشمن ایجنسیوں سے پیسہ بٹورنے پر پہلے ہی تنظیم سے خارج کیا جاچکاہے۔ علاوہ ازیں تنظیم کے جودیگرافرادتحریک کے خلاف عمل کرنے والے عناصر سے ملے ہوئے ہیں ان کے بارے میں بھی تحقیقات کی جارہی ہیں۔ رابطہ کمیٹی نے وضاحت کی ہے کہ سابق رکن شمیم صدیقی اور سید ذوالفقارحیدرکو کافی عرصہ پہلے تحریک سے خارج کیاجاچکاہے اوراب ان کا تحریک سے کوئی لینادینانہیں ہے۔ رابطہ کمیٹی نے تمام کارکنوں کوہدایت کی ہے کہ وہ مذکورہ افراد سے کسی قسم کا کوئی رابطہ نہ رکھیں۔

*****