ایم کیوایم کا 34 ویں یوم تاسیس ہفتہ کوساؤتھ افریقہ جوہانسبرگ میں تنظیمی جوش وخروش سے منایاجائے گا، اعلامیہ

Posted on: 4/12/2018

ایم کیوایم کا 34 ویں یوم تاسیس ہفتہ کوساؤتھ افریقہ جوہانسبرگ میں تنظیمی جوش وخروش سے منایاجائے گا، اعلامیہ
یوم تاسیس کے اجتماع سے بانی وقائدجناب الطاف حسین ٹیلی فون پر خطاب کریں گے
اجتماع جوہانسبرگ کے لال قلعہ ہال میں مقامی وقت کے مطابق شام ساڑھے چھ بجے منعقد کیاجائے گا
اجتماع میں جوہانسبرگ،کیپ ٹاؤن، ڈربن، پولک وانی اورپیٹرمیر زبرگ چیپٹرز کے کارکنان اور ہمدرد عوام کے علاوہ
مقامی کمیونٹی کے منتخب نمائندے اوراین جی اوز کے نمائندے بھی شرکت کریں گے
ایم کیوایم ساؤتھ افریقہ یونٹ کی آرگنائزنگ کمیٹی کی جانب سے یوم تاسیس کی تیاریاں زورشور سے جاری ہیں
کارکنان کی جانب سے آج بروزجمعرات ریلی نکالی جائے گی
کارکنان وعوام یوم تاسیس کے اجتماع میں بھرپورشرکت کریں، آرگنائزنگ کمیٹی ،ایم کیوایم ساؤتھ افریقہ

ایم کیوایم ساؤتھ افریقہ کے زیراہتمام ایم کیوایم کا 34 ویں یوم تاسیس14، اپریل 2018ء بروز ہفتہ کوجوہانسبرگ میں تنظیمی جوش وخروش سے منایاجائے گا۔یوم تاسیس کے اجتماع سے بانی وقائد جناب الطاف حسین ٹیلی فون پر خطاب کریں گے۔ یوم تاسیس کایہ اجتماع جوہانسبرگ کے لال قلعہ ہال میں مقامی وقت کے مطابق شام ساڑھے چھ بجے اورلندن وقت کے مطابق شام ساڑھے پانچ بجے منعقد کیاجائے گا ۔اجتماع میں جوہانسبرگ،کیپ ٹاؤن، ڈربن، پولک وانی اورپیٹرمیر زبرگ چیپٹرز کے ذمہ داران، کارکنان ، ان کے اہل خانہ اور ہمدرد عوام کے علاوہ مقامی کمیونٹی کے منتخب نمائندے اوراین جی اوز کے نمائندے بھی شرکت کریں گے ۔
ایم کیوایم ساؤتھ افریقہ یونٹ کی آرگنائزنگ کمیٹی کی جانب سے یوم تاسیس کی تیاریاں زورشور سے جاری ہیں اور انتظامات کو حتمی شکل دی جارہی ہے ۔ یوم تاسیس کے اجتماع کے سلسلے میں آرگنائزنگ کمیٹی کے اراکین کی جانب سے متعدد اجلاس کیے گئے جن میں کارکنان کی کثیر تعداد نے شرکت کی اور یوم تاسیس کے انتظامات کو مزید بہتر بنانے کیلئے مختلف تجاویز پر غورکیاگیاجبکہ یوم تاسیس کے اجتماع کو مربوط اور منظم بنانے کیلئے مختلف کمیٹیاں تشکیل دی گئیں۔علاوہ ازیں گزشتہ روز ایم کیوایم کی سینٹرل ایگزیکٹیو کمیٹی کے رکن محمد سلیم اور ساؤتھ افریقہ یونٹ کے آرگنائزر راشد مینائی نے آرگنائزنگ کمیٹی کے دیگراراکین کے ہمراہ لال قلعہ ہال کا دورہ کیااور وہاں کیے جانے والے انتظامات کاجائزہ لیا۔
یوم تاسیس کے اجتماع کے سلسلے میں جوہانسبرگ چیپٹرکے کارکنان میں زبردست جوش وخروش دیکھنے میں آرہا ہے اور ان کی جانب سے ریلیاں نکالی جارہی ہیں ۔ اس ضمن میں آج بروز جمعرات ساؤتھ افریقہ کے مقامی وقت کے مطابق شام پانچ بجے ایک بڑی ریلی نکالی جائے گی۔مختلف کاروں پر مشتمل یہ ریلی فورس برگ اورمے فیئر کے مختلف علاقوں میں گشت کرے گی ۔
دریں اثناء ایم کیوایم ساؤتھ افریقہ یونٹ کی آرگنائزنگ کمیٹی کے اراکین نے ایم کیوایم ساؤتھ افریقہ کے تمام چیپٹرز کے ذمہ داران ، کارکنان اورہمدردوں سے اپیل کی کہ وہ ایم کیوایم کے 34 ویں یوم تاسیس کے اجتماع میں بھرپورشرکت کریں اور ماضی کی طرح اتحاد ویکجہتی کامظاہرہ کرتے ہوئے یوم تاسیس کے پروگرام کو کامیاب بنانے کیلئے اپنابھرپورکرداراداکریں۔

*****

11/9/2025 1:27:55 AM

کراچی کے تعلیمی بورڈز میں دیہی سندھ سے افسران کی خلافِ قانون تقرریاں ... 04 Nov 2025	میں پاکستان کے نہیں بلکہ فرسودہ جاگیردارانہ اوروڈیرانہ نظام کے خلاف ہو... 04 Nov 2025
فرسودہ اورکرپٹ سسٹم کے خلاف جدوجہد انگاروں پر چلنے اورطوفانوں سے کھیل ... 03 Nov 2025	پاکستان کے آرمی چیف ،تمام کورکمانڈرز اورآپریشنل کمانڈرز سمیت تمام لیف... 02 Nov 2025
اسٹیبلشمنٹ کے نام الطاف حسین کا اہم پیغام ... 01 Nov 2025	دعا کرتا ہوں کہ اللہ تعالیٰ، دونوں ممالک کو سچائی اور ایمانداری کے سا... 01 Nov 2025
سانحہ 31 اکتوبر 1986ء کے شہدا کوسلام ... 31 Oct 2025	ایم کیوایم ملک کی واحدجماعت ہےجس نےغریب ومتوسط طبقہ کےتعلیم یافتہ افر... 30 Oct 2025
یہ کیسا پاکستان ہے؟ ... 29 Oct 2025	اطلاعات ہیں کہ پاکستان کی فوج کو غزہ بھیجا جارہا ہے۔ ... 29 Oct 2025