ایم کیوایم لانڈھی سیکٹر کے سینئر کارکن محمدانوراور ملیر سیکٹر کی سینئرکارکن راحیلہ حبیب کی والدہ رشیدہ بیگم کے
انتقال پر قائدتحریک الطاف حسین کااظہارتعزیت
کارکنان شعبہ خواتین پی آئی بی سیکٹرکی کارکن محترمہ صنوبرجمال کے شوہرجمال احمدکی صحتیابی کے لئے دعاکریں۔الطاف حسین
لندن ۔۔۔ 20 دسمبر 2017ء
متحدہ قومی موومنٹ کے قائدجناب الطاف حسین نے ایم کیوایم لانڈھی سیکٹریونٹ 81کے سینئر کارکن محمدانور اور ملیر سیکٹر کی سینئرکارکن راحیلہ حبیب کی والدہ رشیدہ بیگم کے انتقال پرگہرے رنج وغم کااظہارکیاہے۔ اپنے تعزیتی بیان میں جناب الطاف حسین نے محمدانوراور رشیدہ بیگم کے انتقال پر ان کے اہل خانہ سے دلی تعزیت کااظہارکرتے ہوئے کہاکہ میں اورتحریک کے تمام کارکنان آپ کے غم میں برابرکے شریک ہیں۔ انہوں نے دعاکی کہ اللہ تعالیٰ محمدانورمرحوم کی مغفرت فرمائے، انہیں جنت الفردوس میں جگہ دے اورتمام سوگواروں کوصبرجمیل عطاکرے۔
دریں اثناء قائدتحریک جناب الطاف حسین نے شعبہ خواتین پی آئی بی سیکٹرکی کارکن محترمہ صنوبرجمال کے شوہرجمال احمدکی علالت پر گہری تشویش کااظہار کرتے ہوئے ان کی جلدصحتیابی کی دعاکی ہے ۔ انہوں نے کارکنان سے اپیل کی کہ وہ جمال احمدکی صحتیابی کے لئے دعاکریں۔
*****