تمام تررکاوٹوں اورریاستی جبر کے باوجود ہفتہ 9دسمبرکویوم شہدامنایاجائے گا۔ رابطہ کمیٹی متحدہ قومی موومنٹ

متحدہ قومی موومنٹ کی رابطہ کمیٹی نے کہاہے کہ تمام تررکاوٹوں اورریاستی جبر کے باوجود ہفتہ 9دسمبرکویوم شہدامنایاجائے گااورشہیدوں کوخراج عقیدت پیش کیا جائے گا۔ اپنے ایک بیان میں رابطہ کمیٹی نے کہاکہ ایم کیوایم کی جانب سے ہرسال 9دسمبرکوتحریک کی جدوجہدمیں شہیدہونے والوں کی یاد میں یوم شہدا منایا جاتاہے اورشہیدوں کوخراج عقیدت پیش کیاجاتاہے، ہرسال کی طرح اس سال بھی ایم کیوایم نے یوم شہدامنانے کااعلان کیاہے لیکن یہ امرانتہائی قابل مذمت ہے کہ حکومت اور قانون نافذ کرنے والے اداروں کی جانب سے یوم شہداکی راہ میں رکاوٹیں کھڑی کی جارہی ہیں اورلوگوں کواپنے شہیدوں کی یاد منانے اوران کی یادگارپر قرآن خوانی اورفاتحہ خوانی تک سے روکنے کی کوشش کی جارہی ہے اورایم کیوایم کے بے گناہ کارکنوں کی گرفتاریاں کی جارہی ہیں۔ رابطہ کمیٹی نے کہاکہ حکومت، انتظامیہ اورتمام مہاجردشمن قوتوں کویہ بات اچھی طرح سمجھ لیناچاہیے کہ وہ چاہے کیسے ہی ہتھکنڈے کیوں نہ اختیارکرلیں اور چاہے کیسی ہی رکاوٹیں کیوں نہ کھڑی کریں، ایم کیوایم کے شہیدوں کے لواحقین، لاپتہ اوراسیرکارکنوں کے اہل خانہ اورمہاجربزرگ، مائیں بہنیں اور نوجوان یوم شہدا کے موقع پر اپنے شہداء کوخراج عقیدت پیش کرنے ضرور جائیں گے۔ رابطہ کمیٹی نے امیدظاہرکی کہ جس طرح حکومت، فوج اوررینجرز نے فیض آباد دھرنے کے شرکاء کے لئے افہام وتفہیم اوربرداشت کارویہ اختیارکیااوران کے خلاف ریاستی طاقت استعمال نہ کرنے کااعلان کیا اسی طرح ہفتہ 9دسمبرکواپنے شہیدوں کی یادگارپرقرآن خوانی وفاتحہ خوانی کے لئے جانے والوں کی راہ میں بھی کوئی رکاوٹ کھڑی نہیں کی جائے گی۔ 

*****