تنظیمی نظم وضبط کی خلاف ورزی اور اجلاس میں غیرمناسب ، ناشائستہ اورنازیبا الفاظ استعمال کرنے پر ایم کیوایم کی رابطہ کمیٹی کے رکن باسط علی کو 15 دن کیلئے تمام ترتنظیمی ذمہ داریوں اورمعاملات سے معطل کردیاگیا

متحدہ قومی موومنٹ کی رابطہ کمیٹی نے تنظیمی نظم وضبط کی خلاف ورزی اور رابطہ کمیٹی کے اجلاس میں غیرمناسب ، ناشائستہ اورنازیبا الفاظ استعمال کرنے پر رابطہ کمیٹی کے رکن باسط علی کو 15 دن کے لئے تمام ترتنظیمی ذمہ داریوں اورمعاملات سے معطل کردیاہے۔اس بات کافیصلہ کنوینر ندیم نصرت کی زیرصدارت ہونے والے اجلاس میں کیا گیا۔ اجلاس میں تمام ذمہ داران وکارکنان کوتنبیہ کی گئی ہے کہ وہ تنظیمی اجلاسوں اورآپس کی بات چیت میں شائستہ زبان استعمال کریں اورتنظیمی ڈسپلن کی سختی سے پابندی کریں۔بانی وقائدجناب الطاف حسین نے رابطہ کمیٹی کے فیصلے کی توثیق کردی ہے ۔