Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم حالیہ مردم شماری کو ہرگز تسلیم نہیں کرے گی، رابطہ کمیٹی کا واشگاف اعلان


ایم کیوایم حالیہ مردم شماری کو ہرگز تسلیم نہیں کرے گی، رابطہ کمیٹی کا واشگاف اعلان
 Posted on: 8/25/2017
ایم کیوایم حالیہ مردم شماری کو ہرگز تسلیم نہیں کرے گی، رابطہ کمیٹی کا واشگاف اعلان
کراچی کی آبادی تین کروڑ سے زائد ہوچکی ہے لیکن حالیہ مردم شماری میں آبادی ایک کروڑ67 لاکھ ظاہرکی گئی ہے،رابطہ کمیٹی
کراچی کی آبادی کم ظاہرکرنا نہ صرف مہاجردشمنی پرمبنی ہے بلکہ کراچی کے تمام شہریوں کے خلاف کھلی سازش بھی ہے، رابطہ کمیٹی
ایک جانب مہاجرنوجوانوں کا قتل عام کیاجارہا ہے اوردوسری جانب کراچی کی آبادی کم ظاہرکرکے مہاجروں سے
تعصب، عصبیت اورنفرت کابھی مظاہرہ کیاجارہا ہے ، رابطہ کمیٹی
آبادی کم ظاہر کرنے کا مقصد کراچی کو متناسب نمائندگی سمیت ہرشعبہ میں جائز حقوق سے محروم رکھنا ہے ، رابطہ کمیٹی
اقوام متحدہ کے سیکریٹری جنرل کراچی کی آبادی کم ظاہرکرنے کے متعصبانہ اورغیرمنصفانہ عمل کا فوری نوٹس لیں، رابطہ کمیٹی
اقوام متحدہ کے مبصرین کو کراچی بھیج کران کی نگرانی میں مردم شماری کرائی جائے ، رابطہ کمیٹی
پاکستان اوراوورسیز یونٹوں کے کارکنان کراچی کی آبادی کم ظاہرکیے جانے کے خلاف اقوام متحدہ کو خطوط لکھیں ، رابطہ کمیٹی
حالیہ مردم شماری میں کراچی کی آبادی کم ظاہرکرنیپر ایم کیوایم کی رابطہ کمیٹی کا اظہارمذمت

متحدہ قومی موومنٹ کی رابطہ کمیٹی نے ماضی کی طرح ایک مرتبہ پھر مردم شماری میں کراچی کی آبادی کم ظاہرکرنے کی سخت ترین الفاظ میں مذمت کی ہے اور واشگاف اعلان کیاہے کہ ایم کیوایم اس مردم شماری کو ہرگز تسلیم نہیں کرے گی۔ ایک بیان میں رابطہ کمیٹی نے کہاکہ ایک منظم سازشی منصوبے کے تحت ماضی کی طرح سال 2017ء میں بھی کراچی کی آباد ی کم ظاہرکی گئی ہے ۔ محتاط اندازے کے مطابق کراچی کی آبادی تین کروڑ سے زائد ہوچکی ہے لیکن حالیہ مردم شماری میں کراچی کی آبادی ایک کروڑ67 لاکھ ظاہرکی گئی ہے جس کی جتنی بھی مذمت کی جائے کم ہے ۔ رابطہ کمیٹی نے کہاکہ کراچی کی آبادی کم ظاہرکرنا نہ صرف مہاجردشمنی پرمبنی ہے بلکہ کراچی کے تمام شہریوں کے خلاف کھلی سازش بھی ہے جس کا مقصد کراچی اور اس کے شہریوں کو متناسب نمائندگی سمیت زندگی کے ہرشعبہ میں ان کے جائز حقوق سے محروم رکھنا ہے ۔ رابطہ کمیٹی نے کہاکہ ایک جانب کراچی کے عوام کے خلاف فوج کا ظالمانہ آپریشن جاری ہے ، مہاجرنوجوانوں کا قتل عام کیاجارہا ہے اوردوسری جانب کراچی کی آبادی کم ظاہرکرکے مہاجروں سے تعصب، عصبیت اورنفرت کابھی مظاہرہ کیاجارہا ہے ۔ رابطہ کمیٹی نے حالیہ مردم شماری میں کراچی کی آبادی کم ظاہرکرنے کے عمل کو یکسرمسترد کرتے ہوئے دوٹوک الفاظ میں واشگاف اعلان کیاکہ ایم کیوایم ، دھاندلی اوربدنیتی کی بنیاد پرکرائی گئی مردم شماری کو ہرگز تسلیم نہیں کرے گی اور اس کے خلاف پاکستان سمیت دنیا کے ہرفورم پر صدائے احتجاج بلند کرے گی۔ رابطہ کمیٹی نے پاکستان میں موجود کارکنان وعوام بالخصوص اوورسیز یونٹوں کے کارکنان پرزوردیا کہ وہ حالیہ مردم شماری میں کراچی کی آبادی کم ظاہرکرنے کے خلاف اقوام متحدہ کے سیکریٹری جنرل Mr. Antonio Guterres کوخطوط لکھیں اورکراچی میں مہاجروں کے قتل عام کے ساتھ ساتھ کراچی کی آبادی کم ظاہرکرنے پر شہریوں میں پائی جانے والی تشویش سے آگاہ کریں ۔ رابطہ کمیٹی نے اقوام متحدہ کے سیکریٹری جنرل سے مطالبہ کیاکہ وہ کراچی میں رینجرز ، پولیس اور قانون نافذ کرنے والے دیگر اداروں کی جانب سے مہاجروں کے قتل عام کے ساتھ ساتھ حالیہ مردم شماری میں کراچی کی آبادی کم ظاہرکرنے کے متعصبانہ اورغیرمنصفانہ عمل کا فوری نوٹس لیکرمداخلت کریں اوراقوام متحدہ کے مبصرین کو کراچی بھیج کران کی نگرانی میں مردم شماری کرائیں۔
*****
2/11/2026 4:22:38 AM