Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ضمانت پر رہائی کے باوجود جیل کے احاطے سے ایم کیوایم حیدرآباد کے دو کارکنان کو گرفتارکرلیاگیا


ضمانت پر رہائی کے باوجود جیل کے احاطے سے ایم کیوایم حیدرآباد کے دو کارکنان کو گرفتارکرلیاگیا
 Posted on: 6/22/2017
ضمانت پر رہائی کے باوجود جیل کے احاطے سے ایم کیوایم حیدرآباد کے دو کارکنان کو گرفتارکرلیاگیا
معید گدی اورمحسن قریشی کی دوبارہ غیرقانونی گرفتاری عدالتی احکامات کی توہین ہے ، کنوینر ندیم نصرت
معید گدی اور محسن قریشی کو 21 مئی کوقائد تحریک الطاف حسین کے حق میں نعرے لگانے پر گرفتارکیاگیاتھا،ندیم نصرت
20، جون 2017ء کو انسداددہشت گردی کی عدالت نے ضمانت پر ان کی رہائی کے احکامات جاری کیے تھے، ندیم نصرت
سرکاری اہلکار جیل کے احاطے سے معید گدی اورمحسن قریشی کو ڈبل کیبن گاڑی میں ڈال کراپنے ہمراہ لے گئے، ندیم نصرت
عید کے موقع پر بھی قانون نافذکرنے والے اداروں کے اہلکاروں کی جانب سے مہاجروں کی خوشیاں لوٹی جارہی ہیں،ندیم نصرت
وزیراعظم پاکستان ،معید گدی اورمحسن قریشی کی دوبارہ غیرقانونی گرفتاری کانوٹس لیں، ندیم نصرت

متحدہ قومی موومنٹ(پاکستان) کے کنوینر ندیم نصرت نے ضمانت پر رہائی کے عدالتی احکامات کے باوجود جیل کے احاطے سے ایم کیوایم حیدرآباد کے دو کارکنان کی بلاجوا زوغیرقانونی گرفتاری کی سخت ترین الفاظ میں مذمت کی ہے اور سرکاری ایجنسیوں کے اس عمل کو توہین عدالت کاکھلا مظاہرہ قراردیا ہے ۔ایک بیان میں ندیم نصرت نے کہاکہ ایم کیوایم حیدرآباد کے کارکنان معید گدی اور محسن قریشی کو 21 مئی کوقائد تحریک جناب الطاف حسین کے حق میں نعرے لگانے پر گرفتارکیاگیاتھااور عدالت میں ان کا کیس چل رہا تھا۔ 20، جون 2017ء کو انسداددہشت گردی کی عدالت نے ضمانت پر ان کی رہائی کے احکامات جاری کیے تھے لیکن جب ان کے اہل خانہ انہیں لینے نارا جیل پہنچے توقانون نافذکرنے والے ادارے کے اہلکاروں نے انہیں جیل کے احاطے سے باہرنکال دیا اورمعید گدی اورمحسن قریشی کو ڈبل کیبن گاڑی میں ڈال کراپنے ہمراہ لے گئے۔ ندیم نصرت نے کہاکہ معید گدی اورمحسن قریشی پر کوئی اور کیس بھی نہیں تھا اورنہ وہ کسی مقدمہ میں قانون کومطلوب تھے اس کے باوجود انکی دوبارہ غیرقانونی گرفتاری نہ صرف قابل مذمت ہے بلکہ ان کے اہل خانہ کیلئے شدید ذہنی کرب واذیت کاباعث بھی ہے ۔انہوں نے کہاکہ عید کے موقع پر بھی رینجرز، پولیس اورقانون نافذکرنے والے دیگر اداروں کے اہلکاروں کی جانب سے مہاجروں کی خوشیاں لوٹی جارہی ہیں، ایک جانب قائد تحریک جناب الطاف حسین سے عقیدت ومحبت کے جرم میں بے گناہ کارکنان کو گرفتارکرکے جھوٹے مقدمات میں ملوث کیاجارہاہے اور دوسری جانب سادہ لباس سرکاری اہلکاروں کی جانب سے عدالتی احکامات پر رہا ہونے والے کارکنان کو جیل کے احاطے سے گرفتارکرکے مہاجروں کے انسانی حقوق کی سنگین خلاف ورزی کی جارہی ہے جس کی جتنی بھی مذمت کی جائے کم ہے ۔ ندیم نصرت نے وزیراعظم پاکستان میاں محمد نوازشریف سے مطالبہ کیا کہ عدالت سے ضمانت پر رہائی کے باوجود ایم کیوایم حیدرآباد کے کارکنان معیدگدی اور محسن قریشی کی بلاجواز وغیرقانونی گرفتاری کا فوری نوٹس لیاجائے ، مہاجروں کے انسانی حقوق کی پامالی کاسلسلہ بند کرایاجائے اور تمام گرفتارکارکنان کو فی الفور رہا کرایاجائے ۔

*****
11/9/2025 9:40:38 AM