ایم کیوایم یوکے کے زیر اہتمام ہفتہ کولندن میں دہشت گردی کانشانہ بننے والے افراد کی یاد میں شمعیں روشن کی گئیں
دہشت گردوں کے حملے میں جاں بحق ہونے والے افرادکے لواحقین سے تعزیت اوریکجہتی کااظہارکیاگیا
ایم کیوایم دہشت گرد ی کے خاتمہ کیلئے کی جانے والی کوششوں میں برطانیہ کی حکومت ، پولیس اورعوام کے ساتھ شانہ بشانہ شریک ہے
ایم کیوایم یوکے کے زیر اہتمام ہفتہ کولندن میں دہشت گردی کانشانہ بننے والے افراد کی یاد میں شمعیں روشن کی گئیں اورہشت گردوں کے حملے میں جاں بحق ہونے والے افرادکے لواحقین سے تعزیت اوریکجہتی کااظہارکیاگیا۔ اس سلسلے میں ایم کیوایم یوکے کے زیراہتمام لندن کے علاقے ٹوٹنگ میں ایک تعزیتی تقریب کی گئی جس میں ایم کیوایم یوکے کے آرگنائزرہاشم اعظم ، آرگنائزنگ کمیٹی کے ارکان ،کارکنوں،خواتین اوربچوں نے شرکت کی ۔ شرکاء نے شمعیں جلاکرجاں بحق ہونے والوں کوخراج عقیدت پیش کیا ۔ اس موقع پر پلے کارڈزبھی رکھے گئے تھے جن پر دہشت گردی کے واقعہ کی شدید مذمت کے کلمات درج تھے۔اس موقع پر ایم کیوایم کے ذمہ داروں اورکارکنوں نے کہا وہ دہشت گردی کانشانہ بننے والے افرادکے لواحقین کے غم میں برابرکے شریک ہیں اوردہشت گرد ی کے خاتمہ کے لئے کی جانے والی کوششوں میں برطانیہ کی حکومت ، پولیس اورعوام کے ساتھ شانہ بشانہ شریک ہیں۔