حیدرآبادمیں یونین کونسل کے انتخابات میں عوام نے قائدتحریک الطاف حسین سے لاتعلقی اختیارکرنے والوں کومستردکردیا۔ندیم نصرت
حیدرآباد کے عوام نے اس امیدوارکوبھاری اکثریت سے کامیاب بنایاجوقائدتحریک الطاف حسین کوہی
مہاجرقوم کاقائدمانتاہے
اسٹیبلشمنٹ چاہے کتنے ہی گروپ بنالے اورایم کیوایم کوٹکڑے کرنے کی کتنی ہی سازشیں کرلے لیکن عوام کامینڈیٹ قائدتحریک الطاف حسین کے ہی ساتھ ہے
اسٹیبلشمنٹ دھرنے کے نام پر ایسے لوگوں کو سپورٹ کر رہی ہے جن کے پیچھے چارلوگ نہیں ہیں۔ ندیم نصرت
متحدہ قومی موومنٹ ( پاکستان ) کے کنوینرندیم نصرت نے کہاہے کہ اسٹیبلشمنٹ چاہے کتنے ہی گروپ بنالے اورایم کیوایم کوٹکڑے کرنے کی کتنی ہی سازشیں کرلے لیکن عوام کامینڈیٹ قائدتحریک الطاف حسین کے ہی ساتھ ہے ۔ انٹرنیشنل سیکریٹریٹ میں پریس کانفرنس سے خطاب کرتے ہوئے انہوں نے کہاکہ چھاپوں، گرفتاریوں، میڈیاپر پابندیوں ،دھمکیوں اورجبر وگھٹن کے اس ماحول میں بھی آج جب حیدرآبادمیں ایک یونین کونسل کے انتخابات ہوئے تو علاقے کے عوام نے پی آئی بی ٹولے کی جعلی ایم کیوایم کے امیدوارکومستردکردیااوراس امیدوارکوبھاری اکثریت سے کامیاب بنایاجوقائدتحریک الطاف حسین کوہی مہاجرقوم کاقائدمانتاہے ،علاقے کے عوام نے اس الیکشن میں قائدتحریک الطاف حسین سے لاتعلقی اختیارکرنے والوں کومستردکردیااوربتادیا کہ وہ قائدتحریک الطاف حسین سے وفانبھانے والوں کے سواکسی اورکوووٹ دینے کوتیارنہیں ہیں۔ ندیم نصرت نے کہاکہ حیدرآبادکے عوام نے آج پھرثابت کردیاکہ مینڈیٹ صرف اورصر ف قائدتحریک الطاف حسین کاہے ۔ انہوں نے کہاکہ یہ امرافسوسناک ہے کہ اسٹیبلشمنٹ دھرنے کے نام پر ایسے لوگوں کو سپورٹ کر رہی ہے جن کے پیچھے چارلوگ نہیں ہیں۔
*****