ایم کیوایم اوورسیز امریکہ کے تحت واشنگٹن میں زبردست پرامن احتجاجی مظاہرہ

ایم کیوایم اوورسیز امریکہ کے تحت بروز اتوار 2 اپریل کو دارلحکومت واشنگٹن میں ایک زبردست پرامن احتجاجی مظاہرہ کیاگیا۔ مظاہرے میں ایم کیو ایم اورسیز کے رہنماؤں اور کارکنوں کے ساتھ ساتھ بڑی تعدادمیں لوگوں نے شرکت کی جن میں خواتین، بزرگ، یوتھ حتیٰ کہ معصوم بچے بھی شامل تھے۔ مظاہرین اپنے ہاتھوں میں ایم کیوایم کے پرچم اورقائدتحریک جناب الطاف حسین کے پورٹریٹ کے ساتھ ساتھ مختلف پلے کارڈز اور بینرز اٹھائے ہوئے تھے جس میں واضح الفاظ میں درج تھا کہ مہاجروں کی نسل کشی کا عمل بند کیا جائے۔۔۔ فوج، رینجرز اور پولیس کے ہاتھوں ایم کیوایم کے کارکنوں کے ماورائے عدالت قتل کاسلسلہ بند کیا جائے۔۔۔ انہیں اغو ا کر کے غائب کرنے کا سلسلہ بند کیا جائے۔۔۔ مہاجروں کی نمائندہ جماعت ایم کیوایم پر سے غیر آئینی وغیر قانونی پابندی ہٹائی جائے ۔۔۔ فوج اور رینجرز کی ایماء پر وفاقی حکومت کی جانب سے ایم کیو ایم کے بانی و قائدالطاف حسین کے بیانات ، تقاریر اور ان کانام ، فوٹو اور لائیو یا ریکارڈڈ وڈیو یا کسی پروگرام کی ریکارڈڈ وڈیو پر عائد پابندی کو فی الفور ختم کیا جائے۔۔۔جیل میں اسیر ساتھیوں کو فی الفور رہا کیا جائے ۔۔۔ لاپتہ ساتھیوں کو فی الفور بازیاب کرایا جائے۔۔۔ ماورائے عدالت قتل کرنے والے فوج،رینجرز اور پولیس کے اہلکاروں کے خلاف قانون اور آئین کے مطابق سخت ترین کارروائی کی جائے ۔۔۔ حکومت سندھ کی مہاجر دشمن پالیسیاں اور مہاجر دشمن تمام تر اقدامات کو فی الفور بند کرایا جائے۔ یہ مظاہرہ کئی گھنٹوں تک جاری رہا جسے ہزاروں امریکی عوام اور وہاں سے گزرنے والے مختلف سیاحوں نے نہ صرف بڑے غور سے دیکھا بلکہ مظاہرین کی فلمیں بھی بنائیں اور کارکنوں سے بات چیت کرکے ان سے اظہار ہمدردی بھی کیا۔ مظاہرے کے اختتام پرایم کیوایم امریکہ کے وفد نے ایک یادداشت واشنگٹن ڈی سی کے اعلیٰ حکام کے حوالے کی۔ بعد میں مظاہرین پرامن طور پر منتشر ہوگئے۔

*****