فکس اٹ کے پرامن مظاہرین پر پولیس تشدد قابل مذمت ہے ، ندیم نصرت کنوینر متحدہ قومی موومنٹ

Posted on: 4/2/2017 1

فکس اٹ کے پرامن مظاہرین پر پولیس تشدد قابل مذمت ہے ، ندیم نصرت کنوینر متحدہ قومی موومنٹ
پرامن مظاہرین اپنے مطالبات کے ساتھ وزیراعلیٰ سندھ کی رہائش گاہ تک جاناچاہتے تھے، ندیم نصرت
حکومت سندھ نے ظالم وسفاک ڈکٹیٹر حکمرانوں کی طرح مظاہرین پر واٹرکینن، آنسو گیس کا بے دریغ استعمال اور
لاٹھی چارج کے ذریعہ ظلم وبربریت کابازار گرم کرایا، ندیم نصرت
سندھ حکومت مکمل طورپر ڈکٹیٹرحکومت یعنی قدیم زمانے کی بادشاہت کاعملی روپ دھارچکی ہے، ندیم نصرت
صوبہ سندھ میں آئین وقانون کے مطابق سندھ حکومت کی ڈکٹیٹر شپ کا عمل فی الفور ختم کرایاجائے،ندیم نصرت

متحدہ قومی موومنٹ (پاکستان ) کی رابطہ کمیٹی کے کنوینر ندیم نصرت نے کراچی پریس کلب پر فکس اٹ کے پرامن مظاہرین پر پولیس تشدد کی سخت ترین الفاظ میں مذمت کی ہے ۔ اپنے ایک احتجاجی بیان میں ندیم نصرت نے کہاکہ کہ آج کراچی میں سول سوسائٹی فکس اٹ کی جانب سے پرامن مظاہرہ کیاجارہا تھا ، پرامن مظاہرین اپنے مطالبات کے ساتھ وزیراعلیٰ سندھ کی رہائش گاہ تک جاناچاہتے تھے لیکن حکومت سندھ نے ظالم وسفاک ڈکٹیٹر حکمرانوں کی طرح احکامات دیکر پولیس کے ذریعہ فکس اٹ کے بانی عالمگیرخان اور ان کے ساتھیوں پر واٹرکینن، آنسو گیس کا بے دریغ استعمال اورلاٹھی چارج کے ذریعہ ظلم وبربریت کابازار گرم کرایا میں اس کی شدید الفاظ میں مذمت کرتا ہوں۔
ندیم نصرت نے کہاکہ آج پرامن مظاہرین پر جس طرح کے وحشیانہ مظالم ڈھائے گئے اور فکس اٹ کے رہنماؤں کو گرفتارکیاگیا اس ثابت کردیا ہے کہ سندھ حکومت مکمل طورپر ڈکٹیٹرحکومت یعنی قدیم زمانے کی بادشاہت کاعملی روپ دھارچکی ہے اوروہ نہ تو اظہاررائے کی آزادی دینا چاہتی ہے اورنہ ہی پرامن مظاہرے کو برداشت کرتی ہے ۔ انہوں نے سندھ حکومت کے ظالمانہ وسفاکانہ رویہ کی مذمت کرتے ہوئے وزیراعظم پاکستان میں محمد نواز شریف سے مطالبہ کیاکہ فکس اٹ کے رہنماؤں بشمول فکس اٹ کے بانی عالمگیر خان کو فی الفور رہا کرایاجائے اورصوبہ سندھ میں آئین وقانون کے مطابق سندھ حکومت کی ڈکٹیٹر شپ کا عمل فی الفور ختم کرایاجائے ۔ آخر میں ندیم نصرت نے کہاکہ میں فکس اٹ کے پرامن مظاہرین پر ڈھائے جانے والے پولیس تشدد اورمظالم پرمتاثرین سے دلی ہمدردی کااظہارکرتا ہوں۔

*****

7/17/2025 10:41:56 PM

Health update of Mr. Altaf Hussain Founder and leader of MQM ... 12 Jul 2025	The supreme martyrdom of Hazrat Imam Hussain (A.S) and the revered hou... 09 Jul 2025
I offer my heartfelt sympathies and stand in mourning with them. I ea... 06 Jul 2025	Post-Supreme Court’s ruling, #Pakistan is now a monarchy where the rul... 01 Jul 2025
Altaf Hussain condemns U.S. attack on Iran as barbaric and a brazen ac... 23 Jun 2025	محنت کے کسی کام میں شرم محسوس نہیں کرنی چاہیے۔ الطاف حسین ... 20 Jun 2025
Why has no photograph been released of Field Marshal #AsimMunir ‘s mee... 20 Jun 2025	Pakistan Must Not Be Dragged into a Global War – Altaf Hussain” ... 19 Jun 2025
“End Systematic Injustices Against Muhajirs - Grant the Right to Self... 17 Jun 2025	May Allah Almighty emancipate them from their trials and tribulations,... 07 Jun 2025