متحدہ قومی موومنٹ بیلجیئم کے زیراہتمام ایم کیوایم کا33واںیوم تاسیس منایاگیا

متحدہ قومی موومنٹ بیلجیئم کے زیراہتمام ایم کیوایم کا33واںیوم تاسیس زبردست جوش وخروش سے منایاگیا۔ اس سلسلے میں بیلجئم کے شہر انٹورین میں ایک تقریب منعقد کی گئی جس میں ذمہ داران وکارکنان نے شرکت کی ۔ کارکنان نے یوم تاسیس کے موقع پروڈیولنک کے ذریعے قائدتحریک جناب الطاف حسین کابراہ راست خطاب سنااوربابائے مہاجرقوم کوبراہ راست مخاطب دیکھ کرتمام کارکنوں میں زبردست جوش وخروش پیداہوگیا۔ اس موقع پر یوم تاسیس کاکیک بھی کاٹاگیااورکارکنان نے بابائے مہاجر قوم جناب الطاف کے حق میں زوردارنعرے بھی لگائے ۔ تمام شرکاء نے بانی وقائدالطاف حسین سے تجدید عہدوفا کیااورمہاجرڈے کی مناسبت سے تمام کارکنوں نے کرتاپاجامہ پہن کرمہاجرثقافت کااظہاربھی کیا۔اس موقع پر اظہارخیال کرتے ہوئے ایم کیوایم بیلجیئم کے آرگنائزرنے یوم تاسیس کی تقریب سے خطاب کرتے ہوئے کہا مہاجردشمن قوتیں مہاجروں کے اتحاد کوپارہ پارہ کرنے اوران کے حقوق کی تحریک کوختم کرنے کی کوششی کررہی ہے لیکن وہ جتنی بھی سازشیں کیوں نہ کرلیں مہاجرعوام اورایم کیوایم کے سچے کارکنوں کوبانی وقائداوربابائے مہاجرقوم جناب الطاف حسین سے دورنہیں کیاجاسکتا۔ ہم اپنے شہیدوں کی قربانیوں کوفراموش نہیں کریں گے اوراپنی جدوجہد جاری رکھیں گے۔