ایم کیوایم قصبہ علی گڑھ سیکٹرکے شہیدکارکن ندیم خان کی والدہ صدمہ کے باعث آج انتقال کرگئیں

ایم کیوایم قصبہ علی گڑھ سیکٹرکے شہیدکارکن ندیم خان کی والدہ صدمہ کے باعث آج انتقال کرگئیں۔ واضح رہے کہ ندیم خان کو17 دسمبر2016ء کورینجرز نے ان کے گھرسے گرفتارکیاتھا اورکئی روز تک سرکاری حراست میں تشددکانشانہ بناکرانہیں ماورائے عدالت قتل کردیاتھا۔ ان کی تشددزدہ لاش 27فروری 2017ء کوکراچی کے علاقے اورنگی ٹاؤن کے ایک مضافاتی علاقے میں پائی گئی تھی۔ چارروزبعدان کے اہل خانہ نے ان کی لاش کی شناخت کی ۔ ندیم خان کی المناک شہادت کے واقعہ پر ان کی والدہ صدمہ سے نڈھال تھیں ، کئی روزسے ان کی حالت غیرتھی اورآج وہ اپنے بیٹے کی شہادت کے صدمہ کے باعث انتقال کرگئیں۔ واضح رہے کہ ندیم خان پرگرفتاری سے قبل اسٹیبلشمنٹ کے تشکیل کردہ پی ایس پی ٹولے میں شمولیت کیلئے دبا ؤ ڈالاجارہاتھا ، انہوں نے انکار کیا توانہیں رینجرزکی جانب سے گرفتارکرلیاگیااورلاپتہ کردیاگیا۔ ندیم خان کی والدہ، اہلیہ اوربہنیں ندیم کی تلاش میں ماری ماری پھرتی رہیں، اس دوران بھی ندیم خان کی والدہ اوردیگراہل خانہ پردباؤ ڈالاجاتارہاکہ وہ پی ایس پی کافارم بھردیں توندیم خان کوچھوڑدیاجائے گالیکن انہوں نے انکارکردیا۔ ندیم خان پرحراست میں بھی دباؤڈالاجاتارہا، انکارپر انہیں ماورائے عدالت قتل کردیاگیا۔ 

*****