Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ضلعی انتظامیہ کی جانب سے پی کیوایم اور متحدہ قومی موومنٹ کواسلام آبادمیں پریس کانفرنس کی اجازت نہ دینا قابل مذمت ہے۔رابطہ کمیٹی


ضلعی انتظامیہ کی جانب سے پی کیوایم اور متحدہ قومی موومنٹ کواسلام آبادمیں پریس کانفرنس کی اجازت نہ دینا قابل مذمت ہے۔رابطہ کمیٹی
 Posted on: 1/3/2017 1
اسلام آبادکی ضلعی انتظامیہ کی جانب سے پی کیوایم اور متحدہ قومی موومنٹ کواسلام آبادمیں
پریس کانفرنس کا انعقاد کرنے کی اجازت نہ دینا قابل مذمت ہے۔رابطہ کمیٹی متحدہ قومی موومنٹ
ایم کیوایم کی پرامن سیاسی سرگرمیوں میں رکاوٹیں نہ ڈالی جائیں ،رابطہ کمیٹی متحدہ قومی موومنٹ
ایم کیوایم کو بھی دیگرسیاسی جماعتوں کی طرح پرامن سیاسی سرگرمیوں کی اجازت دی جائے۔ رابطہ کمیٹی
سینئرقانون داں ساتھی اسحاق ایڈوکیٹ کی سربراہی میں قانونی ماہرین کا اجلاس ، اسلام آبادمیں پیش آنے والی
صورتحال کاقانونی پہلوؤں سے جائزہ ۔ وکلاء کے مشوروں کی روشنی میں آئندہ کالائحہ عمل طے کیاجائے گا

متحدہ قومی موومنٹ کی رابطہ کمیٹی نے اسلام آبادکی ضلعی انتظامیہ کی جانب سے پی کیوایم اور متحدہ قومی موومنٹ کواسلام آبادمیں پریس کانفرنس کا انعقاد کرنے کی اجازت نہ دینے کی مذمت کی ہے اورارباب اختیارسے مطالبہ کیاکہ ایم کیوایم کی پرامن سیاسی سرگرمیوں میں رکاوٹیں نہ ڈالی جائیں اوراسے بھی دیگرسیاسی جماعتوں کی طرح پرامن سیاسی سرگرمیوں کی اجازت دی جائے۔ رابطہ کمیٹی نے کہاکہ ایم کیوایم پاکستان کی سلامتی وبقاء اوراستحکام پر یقین رکھتی ہے اور پاکستان کی خدمت کرناچاہتی ہے۔اپنے اس عزم کوعملی جامہ پہنانے کیلئے پاکستان قومی موومنٹ اور متحدہ قومی موومنٹ کے رہنماؤں نے باہمی صلاح مشورکیااوریہ طے کیاکہ استحکام پاکستان کیلئے میدان عمل میں آکر عملی اقدامات کئے جائیں ۔لہٰذا فیصلہ کیا گیا کہ 21جنوری کوکراچی میں عائشہ منزل سے مزارقائدتک ’’ استحکام پاکستان ‘‘ ریلی نکالی جائے ۔ آج اسی بارے میں اہم اعلانات کرنے کیلئے آج شام چاربجے اسلام آبادنیشنل پریس کلب میں پریس کانفرنس رکھی گئی تھی جس سے پاکستان قومی موومنٹ کے سربراہ اقبال کاظمی اور لندن سے متحدہ قومی موومنٹ کے کنوینرندیم نصرت کوخطاب کرناتھا تاہم ہمیں افسوس ہے کہ مقررہ وقت سے دوگھنٹہ پہلے اس کی اجازت منسوخ کردی گئی ۔بعدازاں اس پریس کانفرنس کاانتظام ایک مقامی ہوٹل میں کیاگیا لیکن یہ امرانتہائی افسوسناک ہے کہ اسلام آباد کی ضلعی انتظامیہ کی جانب سے اس ہوٹل میں بھی پریس کانفرنس کرنے کی اجازت نہیں دی گئی جس کے باعث پی کیوایم کے سربراہ اقبال کاظمی کو ہوٹل کے باہرپریس کانفرنس کرناپڑی اورایم کیوایم کے کنوینرندیم نصرت نے لندن سے فون پر میڈیاسے گفتگوکی اوراپنے لائحہ عمل سے آگاہ کیا۔دریں اثناء متحدہ قومی موومنٹ کی رابطہ کمیٹی کے رکن اورسینئرقانون داں ساتھی اسحاق ایڈوکیٹ کی سربراہی میں قانونی ماہرین کاایک اجلاس جاری ہے جس میں اسلام آبادمیں پیش آنے والی اس صورتحال کاقانونی پہلوؤں سے جائزہ لیاجارہاہے اوروکلاء کے مشوروں کی روشنی میں آئندہ کالائحہ عمل طے کیاجائے گا۔ 
*****
8/12/2026 3:55:42 PM