قائد تحریک الطاف حسین کی جانب سے مسیحی برادری کو کرسمس کی دلی مبارکباد

Posted on: 12/24/2016

قائد تحریک الطاف حسین کی جانب سے مسیحی برادری کو کرسمس کی دلی مبارکباد
حضرت عیسیٰ ؑ نے امن ومحبت ، بھائی چارے ، احترام انسانیت اور خلق خدا کی خدمت کا درس دیا ہے ، الطاف حسین
آج دنیا بھرمیں حضرت عیسیٰ ؑ کے اسی پیغام کو عام کرنے اور اس پر عمل کرنے کی ضرورت ہے، الطاف حسین
ایم کیوایم مذہبی رواداری ، فرقہ وارانہ ہم آہنگی اوراحترام انسانیت پر یقین رکھتی ہے، الطاف حسین
ایم کیوایم ،ملک میں ایسے معاشرے کا قیام چاہتی ہے جہاں مذہبی اقلیتوں کو برابری کی بنیاد پر پاکستانی سمجھا جائے ، الطاف حسین
کرسمس کے موقع پر ملک کی سلامتی وبقاء ، عوام کی خوشحالی، مذہبی رواداری کے فروغ اور
حق پرستانہ جدوجہد کی کامیابی کیلئے خصوصی دعائیں کی جائیں، الطاف حسین

متحدہ قومی موومنٹ کے قائد جناب الطاف حسین نے پاکستان سمیت دنیا بھر میں مقیم مسیحی برادری کو کرسمس کی دلی مبارکباد پیش کی ہے ۔ ایک تہنیتی بیان میں جناب الطاف حسین نے کہاکہ دنیا بھرمیں مسیحی برادری کے تحت کرسمس کا تہوار حضرت عیسیٰ ؑ کے یوم ولادت کی خوشی میں منایاجاتاہے ، حضرت عیسیٰ ؑ نے دنیا میں امن ومحبت ، بھائی چارے ، احترام انسانیت اور خلق خدا کی خدمت کا درس دیا ہے ، آج دنیا بھرمیں حضرت عیسیٰ ؑ کے اسی پیغام کو عام کرنے اور اس پر عمل کرنے کی ضرورت ہے ۔انہوں نے کہاکہ ایم کیوایم ، پاکستان کی واحد جماعت ہے جو مذہبی رواداری ، فرقہ وارانہ ہم آہنگی اوراحترام انسانیت پر یقین رکھتی ہے اور ہرقسم کی دہشت گردی کے خلاف ہے ۔جناب الطاف حسین نے کہاکہ ایم کیوایم ،ملک میں ایسے معاشرے کا قیام چاہتی ہے جہاں مذہبی اقلیتوں کو برابری کی بنیاد پر پاکستانی سمجھا جائے ، انہیں زندگی کے کسی بھی شعبہ میں امتیازی سلوک کا نشانہ نہ بنایاجائے ، مذہبی اقلیتوں کے جائز حقوق اور عبادت گاہوں کا احترام کیاجائے ۔ جناب الطاف حسین نے پاکستان سمیت دنیا بھرمیں مقیم مسیحی ماؤں ، بہنوں ، بزرگوں ، نوجوانوں اوربچوں کوکرسمس کی دلی مبارکباد پیش کرتے ہوئے ان سے اپیل کی کہ وہ کرسمس کے موقع پر گرجا گھروں میں ملک کی سلامتی وبقاء ، عوام کی خوشحالی، مذہبی رواداری کے فروغ اور حق پرستانہ جدوجہد کی کامیابی کیلئے خصوصی دعائیں کریں۔

*****

10/12/2026 7:22:36 PM

Mohajirs faced discrimination and animosity, which did not start rece... 28 Oct 2026	إِنَّا لِلَّهِ وَإِنَّا إِلَيْهِ رَاجِعُونَ ... 11 Oct 2026
Altaf Hussain Urges Field Marshal Asim Munir and Pakistan Army General... 10 Oct 2026	Imposing Governor’s Rule or declaring an emergency in Khyber Pakhtunkh... 10 Oct 2026
Name any other person in Pakistan, besides Altaf Hussain who came from... 27 Sep 2026	The Pakistan Tehreek-e-Insaf’s decision to postpone its September 27 l... 26 Sep 2026
Altaf Hussain states, "I aimed to improve Pakistan's dishonest politic... 21 Sep 2026	MQM Founding Leader Altaf Hussain welcomes former rival Tariq Chaudhry... 20 Sep 2026
“ I wanted to change Pakistan’s corrupt political system, and today I ... 20 Sep 2026	Forty Years Later, Meeting a Voice Again ... 20 Sep 2026