جیل میں اسیررنچھوڑلائن ٹاؤن کے سابق انچارج ارشد قریشی کے انتقال پررابطہ کمیٹی کااظہار تعزیت
ارشد قریشی کو23، جون 2015ء میں گرفتارکیاگیا تھا اوردوماہ بعد ان کی گرفتاری ظاہرکی گئی تھی
حراست کے دوران ارشدقریشی کو بدترین تشددکا نشانہ بنایاگیا اورجبری طورپر ان کی سیاسی وفاداری تبدیل کرائی گئی
متحدہ قومی موومنٹ کی رابطہ کمیٹی نے اسیری کے دوران ایم کیوایم رنچھوڑلائن ٹاؤن کے سابق انچارج ارشد قریشی ولد اعظم قریشی کے انتقال پر گہرے رنج وغم کا اظہار کیا ہے ۔ واضح رہے کہ ارشد قریشی کو23، جون 2015ء میں گرفتارکیاگیا تھا اوردوماہ بعد ان کی گرفتاری ظاہرکی گئی تھی۔ حراست کے دوران ارشدقریشی کو بدترین تشددکا نشانہ بنایاگیا اورجبری طورپر ان کی سیاسی وفاداری تبدیل کرائی گئی۔ دوہفتہ قبل فالج کے حملہ کے باعث ارشد قریشی کو مقامی اسپتال میں داخل کرایاگیا تھا جہاں دل کا دورہ پڑنے کے باعث وہ جانبر نہ ہوسکے اور خالق حقیقی سے جاملے ۔
دریں اثناء متحدہ قومی موومنٹ کی رابطہ کمیٹی نے ارشد قریشی مرحوم کے سوگوارلواحقین سے دلی تعزیت وہمدردی کااظہارکرتے ہوئے دعا کی کہ اللہ تعالیٰ مرحوم کو اپنی جواررحمت میں اعلیٰ مقام عطا فرمائے اورسوگوارلواحقین کو یہ صدمہ برداشت کرنے کا حوصلہ دے ۔(آمین)
*****