9، دسمبرکو’’یوم شہداء‘‘ انتہائی عقیدت واحترام سے منایاجائے گا ،کنوینر متحدہ قومی موومنٹ ندیم نصرت

Posted on: 11/21/2016

9, دسمبرکو’’یوم شہداء‘‘ انتہائی عقیدت واحترام سے منایاجائے گا ،کنوینر متحدہ قومی موومنٹ ندیم نصرت
حقوق کی جدوجہد میں حق پرست شہداء کی لازوال قربانیاں ہمیشہ یاد رکھی جائیں گی، ندیم نصرت
ایم کیوایم کی تمام تر کامیابیاں حق پرست شہداء کی قربانیوں کی بدولت ہیں، ندیم نصرت
نظریہ کی بقاء کیلئے ہزاروں شہداء نے قیمتی جانوں کا نذرانہ تو دیدیا لیکن باطل قوتوں کے سامنے جھکنا گوارا نہیں کیا، ندیم نصرت
کارکنان وعوام ’’یوم شہداء‘‘ کے موقع پر منعقد ہونے والے اجتماعات میں بھرپورشرکت کریں ، ندیم نصرت
کارکنان وعوام ’’یوم شہداء‘‘کے موقع پر یادگارشہدائے حق عزیزآباداور شہداء قبرستان پر حاضری دیں،ندیم نصرت

متحدہ قومی موومنٹ کے کنوینرندیم نصرت نے کہاہے کہ حقوق کی جدوجہد میں حق پرست شہداء کی لازوال قربانیاں ہمیشہ یاد رکھی جائیں گی اور 9، دسمبرکو’’یوم شہداء‘‘ انتہائی عقیدت واحترام سے منایاجائے گا ۔ ایک بیان میں ندیم نصرت نے کہاکہ قائد تحریک جناب الطاف حسین کے فکروفلسفہ ، نظریہ اور تحریک کی بقاء کیلئے ہزاروں شہداء نے اپنی قیمتی جانوں کا نذرانہ تو دیدیا لیکن باطل قوتوں کے سامنے جھکنا اوراپنے ظرف وضمیرکا سودا کرنا گوارا نہیں کیا۔ انہوں نے کہاکہ ایم کیوایم کی تمام تر کامیابیاں حق پرست شہداء کی قربانیوں کی بدولت ہیں اورقائد تحریک الطاف حسین کی قیادت میں مہاجرقوم نہ صرف ہرسال ’’یوم شہداء‘‘ مناکر شہداء کے ایصال ثواب کیلئے قرآن خوانی وفاتحہ خوانی کے اجتماعات منعقد کرتی رہی ہے ، انہیں خراج عقیدت پیش کرتی رہی ہے بلکہ شہداء کے لواحقین کی خبرگیری بھی کرتی رہی ہے ۔ ندیم نصرت نے کہاکہ ہرسال کی طرح اس سال بھی متحدہ قومی موومنٹ کے تحت 9، دسمبرکو ’’یوم شہداء‘‘ عوامی سطح پرعقیدت واحترام سے منایاجائے گا ، علاقائی سطح پر شہداء کے ایصال ثواب کیلئے قرآن خوانی وفاتحہ خوانی کے اجتماعات منعقد کیے جائیں گے اور حق پرست شہداء کو زبردست خراج عقیدت پیش کیاجائے گا۔ندیم نصرت نے کراچی سمیت سندھ بھرکے کارکنان وعوام سے اپیل کی کہ وہ ’’یوم شہداء‘‘ کے موقع پر اپنے اپنے علاقے میں منعقد ہونے والے اجتماعات میں بھرپورشرکت کریں ، یادگارشہدائے حق عزیزآباد اور شہداء قبرستان پر حاضری دیں ۔

*****

11/9/2025 4:22:42 PM

کراچی کے تعلیمی بورڈز میں دیہی سندھ سے افسران کی خلافِ قانون تقرریاں ... 04 Nov 2025	میں پاکستان کے نہیں بلکہ فرسودہ جاگیردارانہ اوروڈیرانہ نظام کے خلاف ہو... 04 Nov 2025
فرسودہ اورکرپٹ سسٹم کے خلاف جدوجہد انگاروں پر چلنے اورطوفانوں سے کھیل ... 03 Nov 2025	پاکستان کے آرمی چیف ،تمام کورکمانڈرز اورآپریشنل کمانڈرز سمیت تمام لیف... 02 Nov 2025
اسٹیبلشمنٹ کے نام الطاف حسین کا اہم پیغام ... 01 Nov 2025	دعا کرتا ہوں کہ اللہ تعالیٰ، دونوں ممالک کو سچائی اور ایمانداری کے سا... 01 Nov 2025
سانحہ 31 اکتوبر 1986ء کے شہدا کوسلام ... 31 Oct 2025	ایم کیوایم ملک کی واحدجماعت ہےجس نےغریب ومتوسط طبقہ کےتعلیم یافتہ افر... 30 Oct 2025
یہ کیسا پاکستان ہے؟ ... 29 Oct 2025	اطلاعات ہیں کہ پاکستان کی فوج کو غزہ بھیجا جارہا ہے۔ ... 29 Oct 2025