چوہدری نثار کوبرطانیہ کوانصاف وقانون سکھانے کے بجائے اپنے گریبان میں جھانکناچاہیے۔ رابطہ کمیٹی متحدہ قومی موومنٹ

لندن ۔۔۔ 17 نومبر 2016ء

متحدہ قومی موومنٹ کی رابطہ کمیٹی کے ارکان ڈاکٹرندیم احسان، واسع جلیل اورمصطفےٰ عزیزآبادی نے قائدتحریک الطاف حسین کے بارے میں وفاقی وزیرداخلہ چوہدری نثارکے بیان پرتبصرہ کرتے ہوئے کہاہے کہ جس شخص کی گردن پر ہزاروں مظلوموں کاخون ناحق ہواسے برطانیہ کوانصاف وقانون سکھانے کے بجائے اپنے گریبان میں جھانکناچاہیے اوراپنے گناہوں پر شرمسارہوکرخداسے معافی مانگنا چاہیے۔اپنے مشترکہ بیان میں رابطہ کمیٹی کے ارکان نے کہاکہ 1992ء میں ایم کیوایم کے خلاف آپریشن شروع ہواتو چوہدری نثارنے قائدتحریک الطاف حسین سے گفتگوکرتے ہوئے برملاکہاتھاکہ یہ آپریشن ایم کیوایم کے خلاف ہرگزشروع نہیں ہوناچاہیے تھااورنہ ہی ان کاایجنڈاتھا بلکہ ایک سازش کے تحت یہ آپریشن ایم کیوایم کے خلاف کیاگیاہے۔ چوہدری نثار کی یہ گفتگوایم کیوایم کے پاس محفوظ ہے۔1992ء میں اس گفتگوکے بعد جب سرکاری ایجنسیوں نے چوہدری نثارکودھمکیاں دیں اوران کاپیچھاکیا اس کے بعد سے ان کارویہ مکمل طورپرتبدیل ہوگیااوروہ اسٹیبلشمنٹ کی زبان بولنے لگے اورآج بھی اسی کے اشاروں پر ناچ رہے ہیں۔رابطہ کمیٹی کے ارکان نے کہاکہ چوہدری نثارقوم کوصرف اس بات کاجواب دیدیں کہ جب 1999ء میں جنرل پرویزمشرف نے نوازشریف حکومت کاخاتمہ کیاتو اس وقت چوہدری نثار کہاں چھپے بیٹھے تھے ۔انہوں نے کہاکہ اگرچوہدری نثار کی اصل داستان عوام کے سامنے لاکررکھ دی جائے تووہ کہیں منہ دکھانے کے قابل نہیں رہیں گے۔ رابطہ کمیٹی کے ارکان نے کہاکہ چوہدری نثار اپنی زبان کولگام دیں ورنہ قدرت کامکافات عمل کانظام آپ کی زبان کولگام دے ڈالے گا۔