رابطہ کمیٹی کے کنوینر ندیم نصرت کا سینئر سیاستداں اور پیپلز پارٹی کے رہنما جہانگیر بدر کے انتقال پر انتہا ئی دکھ اور صدمے کا اظہار
مرحوم جہانگیر بدر کے انتقال سے پیپلز پارٹی ایک اہم رہنما سے محروم ہوگئی ہے اور ان کی کمی ہمیشہ محسوس کی جائے گی
مرحوم جہانگیر بدرنے اپنی پوری زندگی سیاسی جدوجہد میں گزاری اور پاکستانی سیاست کے نشیب و فراز کے عینی شاہد بھی رہے
ندیم نصرت کا پیپلز پارٹی کے رہنماؤں، کارکنان اور مرحوم کے اہل خانہ سے اظہارتعزیت
متحدہ قومی موومنٹ کی رابطہ کمیٹی کے کنوینر ندیم نصرت نے سینئر سیاستداں اور پیپلز پارٹی کے رہنما جہانگیر بدر کے
انتقال پر انتہا ئی دکھ اور صدمے کا اظہار کیا ہے۔ ایک بیان میں ندیم نصرت نے پیپلز پارٹی کے رہنماؤں اور کارکنان سے تعزیت کا اظہار کرتے ہوئے کہا کہ مرحوم جہانگیر بدر کے انتقال سے پیپلز پارٹی ایک اہم رہنما سے محروم ہوگئی ہے اور ان کی کمی ہمیشہ محسوس کی جائے گی۔ ندیم نصرت نے مرحوم جہانگیر بدر کی سیاسی خدمات کو خراج تحسین پیش کرتے ہوئے کہا کہ مرحوم جہانگیر بدرنے اپنی پوری زندگی سیاسی جدوجہد میں گزاری اور پاکستانی سیاست کے نشیب و فراز کے عینی شاہد بھی رہے۔ ندیم نصرت نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور ان کے اہل خانہ کو صبر جمیل عطا فرمائے۔