قائدتحریک الطاف حسین اورایم کیوایم کے بارے میں نہال ہاشمی کابیان انتہائی قابل مذمت اورشرمناک ہے ۔ رابطہ کمیٹی

لندن ۔۔۔ 11 نومبر 2016ء

متحدہ قومی موومنٹ کی رابطہ کمیٹی نے مسلم لیگ ن کے رہنماسینیٹرنہال ہاشمی کے بیان کی شدیدمذمت کرتے ہوئے کہاہے کہ نہال ہاشمی نے آج قائدتحریک الطاف حسین اورایم کیوایم کے بارے میں جس قسم کی زبان اورالفاظ استعمال کئے ہیں وہ انتہائی قابل مذمت اورشرمناک ہیں جن کی جتنی بھی مذمت کی جائے کم ہے ۔ اپنے بیان میں رابطہ کمیٹی نے کہاکہ آج نہال ہاشمی کوایم کیوایم دہشت گرد نظرآرہی ہے اورجب سیاسی مفادات کیلئے حمایت درکار ہوتو نہال ہاشمی جیسے لوگ ایم کیوایم کے مرکزنائن زیرو کے چکرلگانے اورلندن میں قائدتحریک الطاف حسین سے رابطے کرنے میں فخرمحسوس کرتے ہیں۔رابطہ کمیٹی نے کہاکہ اگرقائدتحریک الطاف حسین کے نامزد کردہ گورنرمیں اتنی ہی خرابیاں تھیں توانہیں 14سال تک اس منصب پرفائزرکھاگیا؟ تین سال تک مسلم لیگ ن کی حکومت نے انہیں کیوں گورنربرقراررکھا؟ رابطہ کمیٹی نے کہاکہ نہال ہاشمی جیسے لوگوں کے ہوتے ہوئے وزیراعظم نوازشریف کوکسی باہرکے دشمن کی ضرورت نہیں ہے کیونکہ نہال ہاشمی جیسے شرمناک اورگھناؤنے کرداررکھنے والے لوگ اپنی حرکتوں سے نوازشریف حکومت کومشکلات میں ڈالنے کیلئے کافی ہیں ۔ رابطہ کمیٹی نے کہاکہ ماضی میں بھی کسی نے اپنی طاقت کے بل پر قائدتحریک الطاف حسین کاچیپٹربندکرنے کے فرعونی دعوے کئے تھے لیکن الحمدللہ قائدتحریک الطاف حسین آج بھی اپنے کارکنان وعوام کے دلوں میں موجودہیں اورآج بھی فرعونی دعوے کرنے والے اورخودکوزمین پرخداسمجھنے والے قدرت کے مکافات عمل سے دوچارہوں گے 

*****