قائد تحریک الطاف حسین کے وڈیو اور آڈیو پیغامات کی عوام اور کارکنان میں بے پناہ پذیرائی
سوشل میڈیا کے تمام فورمز پر یہ پیغامات بہت بڑی تعداد میں نہ صرف دیکھے اور سنے جارہے ہیں
ایم کیوایم کے کارکنان وہمدردعوام ان پر اپنا مثبت ردعمل بھی ظاہر کررہے ہیں
قائد تحریک الطاف حسین نے جذباتی انداز میں مہاجرعوام کامقدمہ پیش کیا ہے،عوام وکارکنان کا ردعمل
جہاں جہاں ممکن ہو وہاں وڈیو اسکرینز پر ان پیغامات کو عوام کو دکھایاجائے، عوام کی تجاویز
متحدہ قومی موومنٹ کے قائد جناب الطاف حسین کے باقاعدگی سے جاری ہونے والے وڈیو اور آڈیو پیغامات کی عوام اور کارکنان میں بے پناہ پذیرائی ہورہی ہے اور سوشل میڈیا کے تمام فورمز پر یہ پیغامات بہت بڑی تعداد میں نہ صرف دیکھے اور سنے جارہے ہیں بلکہ ایم کیوایم کے کارکنان وہمدردعوام ان پر اپنا مثبت ردعمل بھی ظاہر کررہے ہیں ۔
سرکاری ادارے ایم کیوایم کے قائد جناب الطاف حسین کی تقریروں ، تصاویر اور خبروں کو پرنٹ اور الیکٹرانک میڈیا میں تو بلاک کررہے ہیں مگرابلاغ کے نت نئے فورمز پر قائد ایم کیوایم کے پیغامات انتہائی تیزی سے پھیل رہے ہیں اور جاری ہونے کے چند منٹ بعد لاکھوں افراد تک پہنچ جاتے ہیں ۔ قائد ایم کیوایم نے جمعہ 4، نومبر کو ایک اور وڈیو پیغام جاری کیا ہے جس میں انہوں نے ایم کیوایم کی عبوری رابطہ کمیٹی کے رکن بزرگ پروفیسر ڈاکٹر ظفرحسن عارف سمیت دیگر رہنماؤں کی فوری رہائی کامطالبہ کیا ہے ۔ اس پیغام میں جناب الطاف حسین نے جس جذباتی انداز میں مہاجرعوام کامقدمہ پیش کیا ہے اس کا مہاجرعوام اور ایم کیوایم کے پاکستان سمیت دنیا بھرمیں موجود کارکنان کی جانب سے بے پناہ خیرمقدم کیاگیا ہے اور عوام کی جانب سے یہ تجویز بھی سامنے آرہی ہے کہ جہاں جہاں ممکن ہو وہاں وڈیو اسکرینز پر ان پیغامات کو عوام کو دکھایاجائے۔
*****