ناظم آبادمیں مجلس عزا پر مسلح دہشت گردوں کی فائرنگ سے ایم کیوایم کے سینئر کارکن محمد ذکی خان اور
ان کے بھانجوں کی شہادت پر میرادل خون کے آنسو رورہاہے۔ الطاف حسین
لندن۔۔۔ 29 اکتوبر2016ء
متحدہ قومی موومنٹ کے قائدجناب الطاف حسین نے ناظم آبادمیں مجلس عزا پر مسلح دہشت گردوں کی سفاکانہ فائرنگ کے نتیجے میں ایم کیوایم ناظم آبادسیکٹرکے سینئر کارکن محمد ذکی خان اوران کے بھانجوں نادرعباس ، باقرعباس اور نیرعباس کے شہید ہونے پر دلی صدمہ اورگہرے رنج وغم کااظہارکیاہے۔اپنے بیان میں جناب الطا ف حسین نے کہاکہ یہ واقعہ ایک بڑاسانحہ ہے جس پر مجھ سمیت ایم کیوایم کے تمام کارکنوں کے دل خون کے آنسو رورہے ہیں ۔ہم سب دعاگو ہیں کہ اللہ تعالیٰ محمد ذکی خان شہید اوران کے بھانجوں نادرعباس ، باقرعباس اور نیرعباس کوجنت الفردوس میں جگہ دے اورتمام سوگوار لواحقین کوصبرجمیل عطاکرے۔ انہوں نے دہشت گردی کے اس واقعہ میں زخمی ہونے والے افرادکی بھی جلد صحتیابی کی دعاکی ۔