ناظم آبادمیں مجلس عزا پر مسلح دہشت گردوں کی فائرنگ سے ایم کیوایم کے سینئر کارکن محمد ذکی خان اوران کے بھانجوں نادرعباس ، باقرعباس اور نیرعباس کے شہید ہونے پرایم کیوایم کے کنوینرندیم نصرت کااظہار تعزیت

لندن۔۔۔ 29 اکتوبر2016ء

متحدہ قومی موومنٹ کی رابطہ کمیٹی کے کنوینرندیم نصرت نے کراچی کے علاقے ناظم آبادمیں مجلس عزا پر مسلح دہشت گردوں نے فائرنگ کے نتیجے میں ایم کیوایم ناظم آبادسیکٹرکے سینئر کارکن محمد ذکی خان اوران کے بھانجوں نادرعباس ، باقرعباس اور نیرعباس کے شہید ہونے پر دلی تعزیت اورافسوس کااظہارکیاہے۔ اپنے بیان میں ندیم نصرت نے کہاکہ کراچی میں پولیس اوررینجرزکے اہلکارایم کیوایم کے بے گناہ کارکنوں کوتوچن چن کرگرفتار کررہے ہیں لیکن کالعدم تنظیموں کے درندہ صفت دہشت گرد کھلے عام فرقہ وارانہ بنیادوں پر دہشت گردی کرتے پھررہے ہیں، عزاداری کی مجلسوں پردستی بموں سے سفاکانہ حملے کررہے ہیں، وحشیانہ فائرنگ کررہے ہیں اور، معصوم وبے گناہ مہاجروں کاخون بہا رہے ہیں لیکن ان کے خلاف کوئی کارروائی نہیں کی جارہی ہے جوبہت سے سوالات کوجنم دے رہاہے۔ ندیم نصرت نے مطالبہ کیاکہ ناظم آبادمیں خون کی ہولی کھیلنے والے سفاک دہشت گردوں کوگرفتارکیاجائے اورانہیں قانون کے مطابق عبرتناک سزادی جائے ۔