اجلاس میں ملکی اور بین الاقوامی صورتحال کا تفصیلی جائزہ لیا گیا
حکومت پاکستان کی قائد تحریک جناب الطاف حسین کی تصویر اور تقریرنشر کرنے پر پابندی کی سخت الفاظ میں مذمت
نہتے کشمیریوں کے ساتھ ساتھ سندھ کے شہری علاقوں بالخصوص کراچی میں قانون نافذ کرنے والے اداروں کے ہاتھوں انسانی حقوق کی سنگین خلاف ورزیوں پر گہری تشویش کا اظہار
مہاجروں کے ساتھ روا رکھے جانے والے نسل پرستانہ اور مجرمانہ طرز عمل کے خلاف دنیا بھر میں آواز احتجاج بلند کرنے کا فیصلہ
متحدہ قومی موومنٹ اورسیز یونٹوں کے دنیا بھر میں موجود ذمہ داران کا ایک ٹیلیفونک اجلاس منعقد ہوا جس میں ملکی اور بین الاقوامی صورتحال کا تفصیلی جائزہ لیا گیا۔ اجلاس میں دیگر امور کے علاوہ اس بات پر بھی تفصیلی تبادلہ خیال کیا گیا کہ حکومت پاکستان نے قائد تحریک جناب الطاف حسین کی تصویر اور تقریرحتیٰ کہ بیان تک نشر نہ کرنے کا فیصلہ برقرار کررکھاہواہے جس کی سخت الفاظ میں مذمت کرتے ہوئے اسے کھلا آمرانہ فیصلہ قرار دیا گیا۔ اجلاس میں نہتے کشمیریوں پر ڈھائے جانے والے مظالم کی شدید الفاظ میں مذمت کے ساتھ ساتھ سندھ کے شہری علاقوں بالخصوص کراچی میں قانون نافذ کرنے والے اداروں کے ہاتھوں انسانی حقوق کی سنگین خلاف ورزیوں پر گہری تشویش کا اظہار کیا ۔ شرکائے اجلاس نے مہاجروں کی نمائندہ جماعت متحدہ قومی موومنٹ کی سیاسی سرگرمیوں پر غیر اعلانیہ ریاستی پابندی کو ناصرف ملکی آئین و قانون بلکہ بین الاقوامی جمہوری قدروں اور بنیادی انسانی حقوق کی سنگین خلاف ورزی قراردیتے ہوئے مہاجروں کے ساتھ روا رکھے جانے والے نسل پرستانہ اور مجرمانہ طرز عمل کے خلاف دنیا بھر میں آواز احتجاج بلند کرنے کا فیصلہ کیا گیا۔أ*****