کوئٹہ میں زائرین کی بس پر مسلح دہشت گردوں کی فائرنگ بربریت کی بدترین مثال ہے۔ الطاف حسین
واقعہ میں ملوث سفاک دہشت گردوں کوگرفتارکرکے سخت سے سخت سزادی جائے ۔الطاف حسین
واقعہ میں جاں بحق ہونے والی خواتین کے لواحقین سے قائدتحریک الطاف حسین کا اظہارتعزیت
لندن ۔۔۔ 4 اگست 2016ء
متحدہ قومی موومنٹ کے قائدجناب الطاف حسین نے کوئٹہ میں زائرین کی بس پر سفاک دہشت گردوں کی جانب سے حملے اورمعصوم وبے گناہ خواتین کو شہید کرنے کے واقعہ کی شدیدمذمت کی ہے ۔اپنے بیان میں جناب الطاف حسین نے کہاکہ مسلح دہشت گردوں نے جس طرح معصوم وبے گناہ خواتین کوشناخت کرکے بیدردی سے گولیاں مارکرشہیدکیاہے وہ بربریت کی بدترین مثال ہے۔ جناب الطاف حسین نے مطالبہ کیاکہ بربریت کے واقعہ میں ملوث سفاک دہشت گردوں کوگرفتارکیاجائے او رسخت سے سخت سزادی جائے ۔ انہوں نے واقعہ میں جاں بحق ہونے والی خواتین کے لواحقین سے دلی تعزیت اورہمدردی کااظہارکیا اوردعاکی کہ اللہ تعالیٰ مقتولین کواپنی جواررحمت میں جگہ دے اورلواحقین کوصبرجمیل عطا کرے ۔
*****