بابائے اردو مولوی عبد الحق مرحوم کی 55ویں برسی کے موقع پر متحدہ قومی موومنٹ کی رابطہ کمیٹی پاکستان اور لندن کا مشترکہ اجلاس

کراچی ۔۔۔16، اگست2016ء

بابائے اردو مولوی عبد الحق مرحوم کی 55ویں برسی کے موقع پر متحدہ قومی موومنٹ کی رابطہ کمیٹی پاکستان اور لندن کا مشترکہ اجلاس آج ہوا جس میں بابائے اردو مولوی عبد الحق مرحوم کو زبردست خراج عقیدت پیش کیا گیا ۔ اجلاس میں بابائے اردو مولوی عبدا لحق مرحوم کی اردو کیلئے بے مثال خدمات کو سراہنے پر مشتمل متفقہ قرار داد بھی منظور کی گئی ۔اجلاس میں کہا گیا کہ بابائے اردو مولوی عبد الحق مرحوم اردو کی ترویج و اشاعت کیلئے جامعہ عثمانیہ کا قیام عمل میں لائے اور اس کے ساتھ ہی الترجمہ بھی قائم کیا جس نے اردو زبان کو وہ مقام دلایا جس کی وہ حق دار تھی لیکن صد افسوس کہ آج بانیان پاکستان کی اولادیں جو اردو زبان بولتے ہیں ان کے ساتھ ناانصافیوں اور زیادتیوں کا سلسلہ جاری ہے ۔اجلاس میں کہا گیا کہ ضرورت ااس بات کی ہے کہ اردو بولنے والوں کے ناانصافیوں ، حق تلفیوں اور زیادتیوں کا سلسلہ ختم کیاجائے اور تعصب اور نفرت کی بنیاد پر اردو بولنے والوں کو دیوار سے لگانے کا ملک دشمنی پر مبنی سلسلہ بند کیا جائے ۔