ٹریفک حادثے میں ظہورنیازی کے صاحبزادے اشعرنیازی کے انتقال پر قائد تحریک الطاف حسین کااظہارتعزیت
لندن۔۔۔16، اگست2016ء
متحدہ قومی موومنٹ کے قائد جناب الطاف حسین نے ٹریفک حادثے میں روزنامہ جنگ لندن کے سابق ایڈیٹر ظہورنیازی کے صاحبزادے اشعر نیازی کے انتقال پر گہرے دکھ اور افسوس کا اظہارکیا ہے ۔ ایک بیان میں جناب الطاف حسین نے ظہورنیازی سمیت مرحوم کے تمام سوگوارلواحقین سے دلی تعزیت وہمدردی کااظہارکرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ جناب الطاف حسین نے دعا کی کہ اللہ تعالیٰ اشعرنیازی کو جنت الفردوس میں اعلیٰ مقام عطافرمائے اور سوگوارلواحقین کو یہ صدمہ برداشت کرنے کا حوصلہ دے