معروف کرکٹر لٹل ماسٹر حنیف محمد کی نماز جنازہ اور تدفین میں رابطہ کمیٹی کے ارکان عارف خان ایڈووکیٹ، سید اشرف نور اور حق پرست ارکان اسمبلی اقبال محمد علی خان،عبد الرزاق کی شرکت

کراچی ۔۔۔12، اگست2016ء 

مشہو ر و معروف کرکٹر لٹل ماسٹر حنیف محمد کو آج آہوں اور سسکیوں کے درمیان سوسائٹی کے قبرستان میں سپرد خاک کردیا گیا ۔ مرحوم کی نماز جنازہ مقامی مسجد میں ادا کی گئی ۔ نما زجنازہ اور تدفین میں ایم کیوایم کی رابطہ کمیٹی کے ارکان عارف خان ایڈووکیٹ ، سید اشرف نور، حق پرست ارکان اسمبلی اقبال محمد علی خان، عبد لرزاق ،ایم کیوایم کے مقامی ٹاؤن اور یوسیز کے ذمہ داران و کارکنان سمیت سیاسی ، سماجی، مذہبی شخصیات، قومی کرکٹرز کے علاوہ مختلف شعبہ ہائے زندگی سے تعلق رکھنے والے افراد نے کثیر تعداد میں شرکت کی ۔ بعدازاں ایم کیوایم کی رابطہ کمیٹی کے ارکان نے حنیف محمد کے سوگوار لواحقین سے ملاقات کی اور انہیں جناب الطاف حسین کا تعزیتی پیغام پہنچایا ۔ اس موقع پرر ابطہ کمیٹی کے ارکان نے مرحوم کے بلند درجات اور سوگوار لواحقین کے صبر جمیل کیلئے خصوصی دعا بھی کی۔