ایم کیوایم کے وفد کی آغا خان اسپتال میں کوئٹہ بم دھماکے کے زخمیوں سے ملاقات اور قائد تحریک جناب الطاف حسین کی جانب سے پھولوں کے گلدستے پیش کئے گئے

کراچی ۔۔۔ 11، اگست 2016ء

متحدہ قومی موومنٹ کے وفد نے گزشتہ کے روز کراچی میں واقع آغا خان اسپتال میں کوئٹہ بم دھما کے کے زخمیوں سے ملاقات کی اور انہیں قائد تحریک جناب الطاف حسین کی جانب سے پھولوں کے گلدستے پیش کئے گئے۔ ایم کیوا یم کے وفد میں رکن رابطہ کمیٹی رکن گلفراز خان خٹک ایڈوکیٹ، حق پرست رکن سندھ اسمبلی یوسف شاہوانی، نامزد حق پرست ڈپٹی میئر کراچی ارشد وہرا اور ایم کیوایم بلوچستان آرگنائزنگ کمیٹی کے رکن جمشید احمد خان شامل تھے۔ اس موقع پر ایم کیو ایم کے وفد نے ڈاکٹروں سے ملاقات کرکے زخمیوں کے علاج و معالجے کے حوالے سے تفصیلات معلوم کی اور انہیں زخمیوں کو بہتر سے بہتر طبی سہولیات فراہم کرنے کی ہدایت کی۔ زخمیوں اور انکے اہل خانہ سے ملاقات کرتے ہوئے ایم کیو ایم کے وفد کے اراکین نے انہیں قائد تحریک جناب الطاف حسین اور ایم کیو ایم کی جانب سے ہرممکن تعاون کی یقین دہانی کرائی ۔