کوئٹہ میں ہولناک دھماکہ بہت بڑاسانحہ ہے جس کی جتنی بھی مذمت کی جائے کم ہے ۔ ندیم نصرت، کنوینرایم کیوایم
دہشت گردی کے واقعہ میں وکلاء اورصحافیوں سمیت درجنوں معصوم وبے گناہ افرادکے شہیدوزخمی ہونے پر دلی افسوس کااظہارکرتے ہیں۔ ندیم نصرت
بلوچستان بارکے صدربلال کانسی کے قتل کی بھی شدیدمذمت کرتے ہیں ۔ ندیم نصرت
لندن ۔۔۔ 8 اگست 2016ء
متحدہ قومی موومنٹ کی رابطہ کمیٹی کے کنوینرندیم نصرت نے بلوچستان کے صوبائی دارالحکومت کوئٹہ میں ہونے والے ہولناک دھماکے کی شدیدالفاظ میں مذمت کی ہے اوردہشت گردی کے واقعہ میں وکلاء اورصحافیوں سمیت درجنوں معصوم وبے گناہ افرادکے شہیدوزخمی ہونے پر دلی افسوس کااظہارکیاہے۔اپنے بیان میں ندیم نصرت نے کہاکہ پہلے بلوچستان بارکے صدربلال کانسی کابہیمانہ قتل اوراس کے بعد اسپتال میں بڑا دھماکہ کرکے جس طرح دھماکہ کرکے معصوم وبے گناہ افرادکے خون سے ہولی کھیلی گئی ہے وہ ایک بہت بڑاسانحہ ہے جس کی جتنی بھی مذمت کی جائے کم ہے ۔ ندیم نصرت نے دھماکے میں جاں بحق ہونے والے وکلاء ، صحافیوں اوردیگر افراد کے لواحقین سے دلی تعزیت کااظہارکیااوردعاکی کہ اللہ تعالیٰ جاں بحق ہونے والوں کواپنی جواررحمت میں جگہ دے اورزخمیوں کوجلد صحتیابی عطاکرے۔ ندیم نصرت نے بلوچستان بارکے صدربلال کانسی کے قتل کی بھی شدیدمذمت کی اوران کے لواحقین سے بھی دلی تعزیت کااظہارکیااورمطالبہ کیاکہ قاتلوں کو گرفتارکیاجائے ۔