عبد اللہ ہارون روڈ پر نالہ میں گیس بننے سے ہونے والے دھماکہ سے عمار ت منہدم اور متعدد افراد کے زخمی ہونے پر رابطہ کمیٹی کااظہار افسوس

کراچی ۔۔۔3، اگست2016ء 

متحدہ قومی موومنٹ کی رابطہ کمیٹی نے عبد اللہ ہارون روڈ پر نالہ میں گیس بننے سے ہونے والے دھماکے کے باعث عمارت منہدم اور متعدد افراد کے زخمی ہونے پر گہرے دکھ اور افسوس کااظہار کیا ہے ۔ ایک بیان میں رابطہ کمیٹی نے کہاکہ کراچی میں متعدد عمارتوں کی مخدوش صورتحال اور نالوں پر قیام کے باعث انسانی زندگیاں خطرے سے دوچار ہیں اورجس کا سدباب کرنا اور عمارتوں کے مکینوں کو متبادل اور محفوظ رہائشگاہ فراہم کرنا حکومت کی بنیادی ذمہ داری ہے ۔ رابطہ کمیٹی نے عمارت منہدم ہونے سے زخمی ہونے والے افراد سے دلی ہمدردی کااظہار کیا اور ان کی جلد و مکمل صحت یابی کیلئے دعا بھی کی ۔