آل پاکستان متحدہ اسٹوڈنٹس آرگنائزیشن کے زیراہتمام یکم اگست 2016ء سے جامعہ کراچی میں دو روزہ مہاجر ثقافتی میلے کا آغاز
مہاجر مصنفین، لکھاری، دانشور، صحافی، اساتذہ کرام، سائنسداں، سیاستدان، سماجی شخصیات اور مختلف شعبہ ہائے زندگی سے تعلق رکھنے والے مہاجر اکابرین خصوصی شرکت کرینگے
مہاجر ثقافتی میلے کی افتتاحی تقریب یکم اگست 2016 کو صبح 10:00 بجے جامعہ کراچی کی آرٹس لابی میں منعقد کی جائیگی
افتتاحی تقریب میں تقریری مقابلہ، مباحثہ، مقابلہ مضمون نویسی اور مشاعرہ سمیت دیگر سرگرمیوں کا انعقاد کیا جائیگا
مہاجر ثقافتی میلے کی تیاریوں میں بھرپور حصہ لینے والے اے پی ایم ایس او کے کارکنان اور ہمدرد طلباء و طالبات کو اے پی ایم ایس او کی مرکزی کابینہ کی جانب سے زبردست شاباش اور خراج تحسین
طلباء و طالبات ’’دو روزہ مہاجر ثقافتی میلہ‘‘ میں بھرپور تعداد میں شرکت کریں، مرکزی کابینہ اے پی ایم ایس او کی اپیل
کراچی ۔۔۔ 31، جولائی 2016ء
آل پاکستان متحدہ اسٹوڈنٹس آرگنائزیشن کے زیراہتمام یکم اگست 2016ء سے جامعہ کراچی میں دو روزہ مہاجر ثقافتی میلے کا انعقاد کیا جارہا ہے۔ میلے میں مہاجر مصنفین، لکھاری، دانشور، صحافی، اساتذہ کرام، سائنسداں، سیاستدان، سماجی شخصیات اور مختلف شعبہ ہائے زندگی سے تعلق رکھنے والے مہاجر اکابرین خصوصی شرکت کریں گے۔ مہاجر ثقافتی میلے کی افتتاحی تقریب یکم اگست 2016 صبح 10:00 بجے جامعہ کراچی کی آرٹس لابی میں منعقد کی جائیگی جس کے بعد دو روز تک اردو تقریری مقابلہ، مباحثے، مقابلہ مضمون نویسی اور مشاعرہ سمیت دیگر سرگرمیوں کا بھی انعقاد کیا جائیگا۔ مہاجر ثقافتی میلے کی تیاریوں میں بھرپور حصہ لینے والے اے پی ایم ایس او کے کارکنان اور ہمدرد طلباء و طالبات کو اے پی ایم ایس او کی مرکزی کابینہ کی جانب سے زبردست شاباش اور خراج تحسین پیش کیا گیا۔ اس موقع پر اے پی ایم ایس او کی مرکزی کابینہ نے شہر بھر کے تعلیمی اداروں میں زیرتعلیم طلباء و طالبات سے اپیل کی کہ وہ ’’دو روزہ مہاجر ثقافتی میلہ‘‘ میں بھرپور تعداد میں شرکت کریں۔