کابل میں ہونے والے خودکش دھماکے کی شدیدالفاظ میں مذمت کرتے ہیں۔ الطاف حسین

لندن ۔۔۔ 23 جولائی 2016ء

متحدہ قومی موومنٹ کے قائدجناب الطاف حسین نے افغانستان کے دارالحکومت کابل میں ہونے والے خودکش دھماکے کی شدیدالفاظ میں مذمت کی ہے اور اس میں درجنوں شہریوں کے جاں بحق اورسینکڑوں کے زخمی ہونے پر دلی افسوس کااظہارکیاہے ۔ اپنے ایک بیان میں جناب الطاف حسین نے کہاکہ جن عناصر نے آج کابل میں دھماکہ کرکے معصوم وبے گناہ شہریوں کوخون میں نہلایاہے وہ انسان کہلانے کے حقدارنہیں ہیں۔ انہوں نے کہاکہ دہشت گردی کے خاتمہ اورامن واستحکام کے لئے پوری پاکستان ، افغانستان ہی نہیں بلکہ پوری دنیاکومتحد ہوجاناچاہیے ۔ جناب الطاف حسین نے کہاکہ ہم دہشت گردی کے اس بڑے واقعہ اورمعصوم شہریوں کی ہلاکت پر افغانستان کے صدراشرف غنی اورافغان عوام کے غم میں برابرکے شریک ہیں۔ انہوں نے دعاکی کہ اللہ تعالیٰ جاں بحق افرادکوجنت الفردوس میں جگہ دے ، ان کے لواحقین کوصبرجمیل عطاکرے اورزخمیوں کوجلدصحتیابی عطاکرے۔