آزادکشمیرکے عام انتخابات میں مسلم لیگ کی شاندارکامیابی پر میاں محمدنوازشریف، مسلم لیگ کےتمام رہنماؤں ، کارکنان اورہمدردوں کو ایم کیوایم کے قائدالطاف حسین کی زبردست مبارکباد

لندن ۔۔۔ 21 جولائی 2016ء

متحدہ قومی موومنٹ کے قائدجناب الطاف حسین نے آج آزادکشمیرمیں ہونے والے عام انتخابات میں شاندارکامیابی پر پاکستان مسلم لیگ ن کے سربراہ وزیراعظم میاں محمدنوازشریف، مسلم لیگ ن کے تمام رہنماؤں، مجلس عاملہ کے اراکین، کارکنان اورہمدردوں کو زبردست مبارکبادپیش کی ہے۔جناب الطاف حسین نے مسلم لیگ کی قیادت ، رہنماؤں اورالیکشن میں کامیاب ہونے والے امیدواروں سے درخواست کی کہ وہ عوام کی بلاامتیازخدمت کریں، ان کی فلاح بہبوداورمسائل کے حل کیلئے کام کریں اور تعلیم ، پانی، بجلی،صحت کے چھوٹے مراکزکے قیام، روزگارکی فراہمی کے لئے جدیدتقاضوں سے ہم آہنگ صنعتوں ، اسکولوں، کالجوں اوریونیورسٹیوں کے قیام پر خصوصی توجہ دیں۔جناب الطاف حسین نے مسلم لیگ کی قیادت اورحکومت سے یہ بھی کہاکہ وہ مقبوضہ کشمیرمیں بھارتی افواج کی جانب سے مسلمانوں پرڈھائے جانے والے بھارتی افواج کے مظالم کے خاتمے اورعلاقے میں پائیدارامن کے قیام کیلئے نتیجہ خیزمذاکرات کاآغازکریں تاکہ وسط ایشیا ریجن کاپوراخطہ امن کاگہوارہ بن سکے اوریہاں کے عوام امن وسکون سے زندگی بسرکرسکیں۔