ایم کیوایم کے قائد الطاف حسین کا وسیم اختر، رؤف صدیقی اور سینئر پروفیسر ڈاکٹر عبدالقادر خانزادہ کے گھر پر فون، تینوں کے اہل خانہ سے ہمدری کا اظہار

لندن ۔۔۔ 21 جولائی 2016ء

متحدہ قومی موومنٹ کے قائدجناب الطاف حسین نے ایم کیوایم کے نامزد میئر برائے کراچی وسیم اختر،رکن سندھ اسمبلی رؤف صدیقی کی گرفتاری اوررابطہ کمیٹی کے رکن اورسینئرپروفیسر ڈاکٹرعبدالقادرخانزادہ کے گھر پر چھاپے پر ان تینوں کے گھرفون کیااوراہل خانہ سے ہمدری کا اظہار کیا۔ جناب الطاف حسین نے ڈاکٹرعبدالقادر خانزادہ سے گفتگو کرتے ہوئے کہاکہ آپ نے ملک کی اتنی خدمت کی لیکن آپ کوبھی نہیں بخشا گیا اور آپ کی علالت کے باوجود آپ کے گھر پر چھاپہ مارا گیا اور آپ کے بے گناہ بیٹے طاہرغفارکوگرفتارکرکے جھوٹے مقدمہ میں ملوث کردیاگیاجوقابل مذمت ہے ۔ انہوں نے ڈاکٹرعبد القادر خانزادہ سے دلی ہمدردی کا اظہار کیا اور مطالبہ کیا کہ طاہرغفارکو رہا کیا جائے۔ جناب الطاف حسین نے وسیم اخترکے صاحبزادے فرازسے گفتگوکی اوران سے ہمدردی کااظہارکرتے ہوئے کہاکہ وسیم اخترپر بنائے جانے والے مقدمات جھوٹے اوربے بنیاد ہیں اورانشاء اللہ وہ جلدرہاہوں گے ۔انہوں نے کہاکہ وسیم اختر نے اس موقع پر جس ہمت اورثابت قدمی کا مظاہرہ کیاہے وہ بھی قابل تحسین ہے ۔ جناب الطاف حسین نے رؤف صدیقی کے چھوٹے بھائی ظفرصدیقی کو بھی فون کیااوران سے ہمدردی کا اظہار کرتے ہوئے کہاکہ رؤف صدیقی کی تحریک کیلئے بڑی خدمات ہیں اورآج وہ تحریک کیلئے قیدوبندکاسامنا کررہے ہیں۔ انہوں نے کہا کہ تحریکی جدوجہدمیں امتحانات اورآزمائشیں آتی ہیں ، انشاء اللہ رؤف صدیقی جلدہمارے درمیان ہوں گے۔