وسیم اختر اور رؤف صدیقی کو جھوٹے مقدمے میں ملوث کرنے کے خلاف ایم کیوایم کے زیراہتمام جمعہ کو سہ پہر 3:00بجے کراچی پریس کلب کے باہر بڑا پرامن احتجاجی مظاہرہ کیاجائے گا
مظاہرے میں رابطہ کمیٹی ، ارکان قومی وصوبائی اسمبلی ، منتخب بلدیاتی نمائندے ، زندگی کے مختلف شعبوں سے تعلق رکھنے والی شخصیات شر کت کریں گی
وسیم اختر اور رؤف صدیقی کی گرفتاریوں اور انہیں جھوٹے مقدمہ میں ملوث کرنے پر عوامی سطح پرغم و غصہ پایا جارہا ہے
کراچی ۔۔۔21، جولائی 2016ء
نامزدحق پرست میئرکراچی وسیم اختر اورحق پرست رکن سندھ اسمبلی عبدالرؤف صدیقی کو جھوٹے مقدمے میں ملوث کرنے کے خلاف متحدہ قومی موومنٹ کے زیراہتمام 22جولائی 2016ء بروز جمعہ سہ پہر3:00بجے کراچی پریس کلب کے باہر بڑا پرامن احتجاجی مظاہرہ کیاجائے گا ۔ احتجاجی مظاہرے میں ایم کیوایم کی رابطہ کمیٹی کے سینئرز ڈپٹی کنوینر ، ڈپٹی کنوینر ز ، رابطہ کمیٹی کے اراکین ، حق پرست اراکین قومی وصوبائی اسمبلی ، منتخب بلدیاتی نمائندے ، خواتین سمیت زندگی کے مختلف شعبوں سے تعلق رکھنے والی شخصیات ، ایم کیوایم کے ذمہ داران ، کارکنان اور ہمدرد شرکت کریں گے اور اپنا احتجاج ریکارڈ کرائیں گے ۔ واضح رہے کہ وسیم اختر اور رؤف صدیقی کی گرفتاریوں اور انہیں جھوٹے مقدمہ میں ملوث کرنے پر عوامی سطح پرغم و غصہ پایا جارہا ہے