سندھ بھرکے کارکنان وعوام شعیب بخاری مرحوم کی نمازہ جنازہ میں بھرپورشرکت کریں ، رابطہ کمیٹی کی اپیل
شعیب احمد بخاری ایڈوکیٹ نے تحریک کیلئے ناقابل فراموش خدمات انجام دیں، رابطہ کمیٹی
مہاجرقوم کا ایک ایک فرد شعیب بخاری مرحوم کو زبردست خراج عقیدت پیش کرتا ہے، رابطہ کمیٹی
کراچی ۔۔۔19، جولائی2016ء
متحدہ قومی موومنٹ کی رابطہ کمیٹی نے سندھ بھر کے کارکنان وہمدرد عوام سے پرزوراپیل کی ہے کہ وہ ایم کیوایم کے سینئر رہنما شعیب احمد بخاری مرحوم کی نماز جنازہ اور تدفین میں بھرپورشرکت کریں ۔ ایک بیان میں رابطہ کمیٹی نے کہاکہ شعیب احمد بخاری ایڈوکیٹ نے تحریک کیلئے ناقابل فراموش خدمات انجام دیں اور وہ آخری سانس تک حق پرستی کی جدوجہد سے جڑے رہے جس پر مہاجرقوم کا ایک ایک فرد انہیں زبردست خراج عقیدت پیش کرتا ہے۔ رابطہ کمیٹی نے کہاکہ شعب بخاری مرحوم کی نماز جنازہ کل بروز بدھ بعد نمازظہر عزیزآباد کے تاریخی جناح گراؤنڈ میں ادا کی جائے گی اور انہیں شہداء قبرستان میں سپردخاک کیاجائے گا۔ رابطہ کمیٹی نے کراچی سمیت سندھ بھرکے ذمہ داران ، کارکنان اور ہمدرد عوام سے پرزوراپیل کی کہ وہ شعیب بخاری مرحوم کی نمازجنازہ اور تدفین میں بھرپورشرکت کریں ۔