ایم کیوایم رابطہ کمیٹی کی جانب سے مایہ ناز پاکستانی باکسر محمد وسیم کی شاندار کامیابی اور انٹرنیشنل پروفیشنل سلور ٹائٹل اپنے نام کرنے پر زبردست شاباش مبارک باد
بدقسمتی سے پاکستان میں کھیلوں کے فروغ کیلئے حکومتی سطح پر کبھی قابل ستائش اقدامات نہیں کئے گئے، ایم کیوا یم رابطہ کمیٹی
پاکستان میں بے انتہاء ٹیلنٹ موجود ہے اور اگر حکومت اس جانب توجہ دیں تو پاکستان میں سینکڑوں محمد وسیم موجود ہیں جو دنیا بھر میں کھیلوں کے میدان میں پاکستان کا نام روشن کرسکتے ہیں، ایم کیو ایم رابطہ کمیٹی
لندن ۔۔۔ 17، جولائی 2016ء
متحدہ قومی موومنٹ کی رابطہ کمیٹی نے فلپائن میں ہونے والے باکسنگ کے مقابلوں میں پاکستان کے مایہ ناز باکسر محمد وسیم کی شاندار کامیابی اور انٹرنیشنل پروفیشنل سلور ٹائٹل اپنے نام کرنے پر زبردست شاباش اورمبارکباد دی ہے۔ اپنے ایک بیان میں انہوں نے کہا کہ محمد وسیم کی شاندار کامیابی سے پوری قوم کا سر فخر سے اٹھ گیا ہے۔ انہوں نے کہا کہ بدقسمتی سے پاکستان میں کھیلوں کے فروغ کیلئے حکومتی سطح پر کبھی قابل ستائش اقدامات نہیں کئے۔ انہوں نے کہا کہ پاکستان میں بے انتہاء ٹیلنٹ موجود ہے اور اگر حکومت اس جانب توجہ دیں تو پاکستان میں سینکڑوں محمد وسیم موجود ہیں جو دنیا بھر میں کھیلوں کے میدان میں پاکستان کا نام روشن کرسکتے ہیں۔