ممتاز سماجی رہنماء عبدالستار ایدھی اور بین الاقوامی شہرت یافتہ حق پرست قوال شہید امجد فرید صابری کی خدمات پرایم کیوایم کا خراج عقیدت

کراچی ۔۔۔ 16، جولائی 2016ء

متحدہ قومی موومنٹ کے قائدجناب الطاف حسین کی جانب سے ممتازسماجی رہنماء عبدالستارایدھی کوان کی نصف صدی پرمحیط انسانیت کے لئے خدمات اوربین الاقوامی شہرت یافتہ حق پرست قوال شہید امجد فرید صابری کوان کی فنی خدمات پرخراج عقیدت پیش کرنے کے لئے ان کی یاد میں شمعیں روشن کی گئیں۔ اس سلسلے میں ہفتہ کے روز ڈیفنس دوتلوار، نارتھ ناظم آباد5اسٹارچورنگی،گلشن اقبال ڈسکوبیکری، کورنگی نمبر5اور اورنگی نمبر5کے مقامات پرکینڈل لائٹ ویجل تقریبات کا انعقاد کیا گیا جس میں ایم کیوایم کی رابطہ کمیٹی کے ارکان ، اراکین سینٹرل ایگزیکٹو کونسل، حق پرست عوامی نمائندے،ایم کیوایم کے تنظیمی ذمہ داران ، کارکنان اورہمدردحق پرست عوام نے بڑی تعداد میں شرکت کی اورانسانیت کے لئے عبدالستار ایدھی کی گراں قدرخدمات اوراوربین الاقوامی شہرت یافتہ حق پرست قوال شہید امجد فرید صابری کوان کی فنی خدمات پر زبردست خراج عقیدت و سلام تحسین پیش کیااوران کے درجات کی بلندی کے لئے ڈھیروں دعائیں کیں۔عبد الستار ایدھی اورامجدفریدصابری کوخراج عقیدت پیش کرنے کے لئے دوتلوارکے سامنے منعقدہ تقریب میں ایم کیوایم کی رابطہ کمیٹی کے ڈپٹی کنونیرز سید شاہد پاشا، سینیٹر نسرین جلیل، اراکین رابطہ کمیٹی محفوظ یار خان، محمد کمال ملک، ساتھی اسحاق، سینٹرل ایگزیکٹو کونسل کے ارکان ،حق پرست اراکین قومی وصوبائی اسمبلی کے ساتھ ساتھ ایم کیوایم کے ذمہ داران وکارکنان نے بڑی تعدادمیں شرکت کی جنہوں نے شمعیں روشن کرکے عبدالستارایدھی اورامجدفریدصابری کوزبردست خراج عقیدت پیش کیااوران کی یادمیں شمعیں روشن کیں۔





تصاویر