آغا خان کونسل برائے کریم آباد کے وفد کی خورشید بیگم سیکریٹریٹ میں ایم کیو ایم رابطہ کمیٹی سے ملاقات
وفد میں آغا خان کونسل برائے کریم آباد کے کنونیر احتشام خان، اراکین امین فیروز علی، عدنان اور سجاد حسین شامل تھے
کراچی ۔۔۔ 13، جولائی 2016ء
آغا خان کونسل برائے کریم آباد کے وفد نے کنونیر احتشام خان کی سربراہی میں متحدہ قومی موومنٹ کی رابطہ کمیٹی ڈپٹی کنونیر سید شاہد پاشا و اراکین رابطہ کمیٹی سے خورشید بیگم سیکریٹریٹ میں ملاقات کی۔ آغا خان کونسل برائے کریم آباد کے وفد امین فیروز علی، عدنان اور سجاد حسین شامل تھے۔ ملاقات کے موقع پر آغا خان کونسل برائے کریم آباد کے وفد کی جانب سے قائد تحریک الطاف حسین اور ایم کیو ایم کی عوامی خدمات کو سراہا اور آغا خان کمیونٹی کی جانب سے ایم کیو ایم کی مکمل سپورٹ کی یقین دہانی کرائی گئی۔ اس موقع پر ایم کیو ایم رابطہ کمیٹی کے اراکین عادل خان، عارف خان ایڈوکیٹ اور ساتھی اسحاق بھی موجود تھے۔