آغا ناصر مرحوم کے انتقال سے ملک و قوم علمی و ادبی اور کئی شعبوں میں مہارات رکھنے والی شخصیت سے محروم ہوگئی ہے، رابطہ کمیٹی
ملک کے معروف براڈ کاسٹر ، علمی و ادبی شخصیت اور ماہر نشریات آغا ناصر کے انتقال پر گہرے دکھ اور افسوس کااظہار
کراچی ۔۔۔ 12، جولائی 2016ء
متحدہ قومی موومنٹ کی رابطہ کمیٹی نے ملک کے معروف براڈ کاسٹر ، علمی و ادبی شخصیت آغا ناصر کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں رابطہ کمیٹی نے کہاکہ آغا ناصر مرحوم کے انتقال سے ملک و قوم ایک اور علمی و ادبی اور کئی شعبوں میں مہارات رکھنے والی شخصیت سے محروم ہوگئی ہے ۔ رابطہ کمیٹی نے کہاکہ آغا ناصر مرحوم نے ریڈیو پاکستان ، پاکستان ٹیلی ویژن سمیت جن جن شعبوں میں مقام حاصل کیا وہ مرحوم کی انتھک محنت ، لگن اور جستجوکو ثابت کرتا ہے اورمرحوم کی خدمات کے اعتراف میں حکومت پاکستان نے انہیں صدارتی تمغہ برائے حسن کارکردگی سے بھی نوازا ۔رابطہ کمیٹی نے آغا ناصر مرحوم کو زبردست خراج عقیدت پیش کیا اور مرحوم کے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی اور دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کو صبر جمیل عطا کر۔ (آمین)