معروف بزنس مین ،ماہرتعلیم اور اقراء یونیورسٹی کے چانسلر حنیدلاکھانی کی قائدتحریک الطاف حسین کے فکروفلسفے اور ایم کیوایم کی عملی جدوجہد سے متاثر ہو کر متحدہ قومی موومنٹ میں شمولیت

ؒ کراچی ۔۔۔ 05، جولائی 2016ء

معروف بزنس مین ،ماہرتعلیم اوراقراء یونیورسٹی کے چانسلر حنید لاکھانی نے قائدتحریک الطاف حسین کے فکروفلسفے اورایم کیوایم کی عملی جدوجہد سے متاثر ہو کر متحدہ قومی موومنٹ میں شمولیت اختیار کرلی ہے۔ ایم کیوایم میں باقاعدہ شمولیت کااعلان انہوں نے ڈاکٹر محمد فاروق ستار اور اراکین رابطہ کمیٹی، حق پرست نمائندوں اور سینٹرل ایگزیکٹوکونسل کے ارکان کے ہمراہ ایم کیوایم کے مرکزنائن زیرو عزیز آباد میں پرہجوم پریس کانفرنس سے خطاب کے دوران کیا۔ اس سے قبل حنید لاکھانی کی نائن زیرو آمد پر ایم کیو ایم کے کارکنان نے ان کا پرتپاک استقبال کیا اور ’’ویلکم ویلکم ۔۔ حنید لاکھانی ویلکم‘‘ اور ’’نعرے الطاف ۔۔ جئے الطاف‘‘ کے فلک شگاف نعرے لگائے گئے اور ان پر پھولوں کی پتیاں نچھاور کی گئی۔ بعدازاں پریس کانفرنس سے ایم کیو ایم کے قائد جناب الطاف حسین نے لندن سے براہ راست ٹیلی فونک خطاب کیا اورحنید لاکھانی کو حق پرستی کے قافلے میں شمولیت پر مبارک باد دی اور انہیں ایم کیو ایم میں خوش آمدید کہا۔