کولڈ اسٹوریج میں بوائلر کا پھٹنا غفلت کاساخشانہ ہے جس کے باعث متعد د قیمتی جانیں ضائع ہوگئیں ،ر ابطہ کمیٹی ایم کیوایم

کراچی ۔۔۔4، جولائی 2016ء 

متحدہ قومی موومنٹ کی رابطہ کمیٹی نے نیو کراچی میں واقع کولڈ اسٹوریج میں بوائلر پھٹنے سے متعدد افراد کے ہلاک اور زخمی ہونے پر گہرے دکھ اور افسوس کااظہار کیا ہے ۔ ایک بیان میں رابطہ کمیٹی نے کہاکہ کولڈ اسٹوریج میں بوائلر کا پھٹنا غفلت کاساخشانہ ہے جس کے باعث متعد د قیمتی جانیں ضائع ہوگئیں ۔ رابطہ کمیٹی نے کولڈ اسٹوریج میں بوائلر پھٹنے سے منسٹری آف لیبر کی کارکردگی کا پول کھل گیا ہے جو اس پر سوالیہ نشان ہے ۔ رابطہ کمیٹی نے ہلاک ہونے والے افراد کے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی ۔ رابطہ کمیٹی نے دعا کی کہ اللہ تعالیٰ مرحومین کو اپنی جواررحمت میں اعلیٰ مقام عطا فرمائے اور سوگواران کو صبر جمیل عطاکرے ۔ (آمین)