قائم خانی ایجوکیشن ٹرسٹ کراچی کے وائس چیئرمین محمد اسلم قائم خانی کی جانب سے ایم کیوایم کی رابطہ کمیٹی کے رکن شبیر احمد قائم خانی اور قائم خانی برادری کے معززین کے اعزاز میں افطار پارٹی کا اہتمام
نامزد حق پرست میئر کراچی وسیم اختر ، قائم خانی ایجوکیشن ٹرسٹ کے چیئرمین امیر حسین قائم خانی ، میر پورخاص قائم خانی ایجوکیشن ٹرسٹ کے وائس چیئرمین انور خان ، ڈاکٹر چاند ، حشمت خان ، سیٹھ فاروق خان سمیت دیگر شخصیات کی شرکت
رمضان المبارک احترام کا مہینہ ہے اور اس مقدس مہینے میں عبادتوں کو افضلیت حاصل ہے، رکن رابطہ کمیٹی شبیر احمد قائم خانی
کی افطار پارٹی میں معززین سے گفتگو
کراچی ۔۔۔ 03، جولائی 2016ء
قائم خانی ایجوکیشن ٹرسٹ کراچی کے وائس چیئرمین محمد اسلم قائم خانی کی جانب سے ایم کیوایم کی رابطہ کمیٹی کے رکن شبیر احمد قائم خانی اور قائم خانی برادری کے معززین کے اعزاز میں گزشتہ روز مقامی ہال میں افطار پارٹی کا اہتمام کیا گیا ۔ افطار پارٹی میں نامزد حق پرست میئر کراچی وسیم اختر ، قائم خانی ایجوکیشن ٹرسٹ کے چیئرمین امیر حسین قائم خانی ، میر پورخاص قائم خانی ایجوکیشن ٹرسٹ کے وائس چیئرمین انور خان ، ڈاکٹر چاند ، حشمت خان ، سیٹھ فاروق خان سمیت دیگر شخصیات نے کثیر تعداد میں شرکت کی ۔ افطار پارٹی میں قائم خانی برادری کی مختلف شخصیات سے گفتگو کرتے ہوئے رابطہ کمیٹی کے رکن شبیر احمد قائم خانی نے کہاکہ رمضان المبارک احترام کا مہینہ ہے اور اس مقدس مہینے میں عبادتوں کو افضلیت حاصل ہے ۔ انہوں نے کہاکہ رمضان المبارک میں غرباء ، مساکین ، بیواؤں ، ناداروں اور مستحقین کی زیادہ سے زیادہ امداد کی جائے تاکہ وہ اور ان کے اہل خانہ بھی عید الفطر کی خوشیوں میں شریک ہوسکیں ۔ شبیر احمد قائم خانی نے محمد اسلم قائم خانی کی جانب سے اپنے اعزاز میں افطار پارٹی پر ان کا شکریہ بھی ادا کیا۔