ایم کیوایم کے رہنما ڈاکٹرفاروق ستارکا سندھ ہائیکورٹ کے چیف جسٹس سجاد علی شاہ کوٹیلی فون ، صاحبزادےاویس علی شاہ کے اغواء کے واقعہ پر افسوس اوردلی ہمدردی کااظہارکیا
اویس علی شاہ کے اغواء واقعہ انتہائی مذمو م اورافسوسناک ہے۔ڈاکٹرفاروق ستار
حکومت سندھ ،پولیس اورقانون نافذ کرنے والے ادارے اویس علی شاہ کی بازیابی کیلئے تمام وسائل بروئے کارلائیں۔ ڈاکٹرفاروق ستار
کراچی ۔۔۔ 21 جون 2016ء
متحدہ قومی موومنٹ کی رابطہ کمیٹی کے سینئرڈپٹی کنوینر اورقومی اسمبلی میں پارٹی کے پارلیمانی لیڈرڈاکٹرفاروق ستارنے چیف جسٹس سندھ ہائیکورٹ جسٹس سجاد علی شاہ کو فون کرکے ان سے انکے صاحبزادے اویس علی شاہ کے اغواء کے واقعہ پر افسوس اوردلی ہمدردی کااظہارکیا۔ ڈاکٹرفاروق ستارنے جسٹس سجادعلی شاہ سے گفتگوکرتے ہوئے کہاکہ یہ واقعہ انتہائی مذمو م اورافسوسناک ہے۔ صوبائی حکومت ،پولیس اورقانون نافذ کرنے والے اداروں کو اویس علی شاہ کی بازیابی کے لئے تمام تروسائل بروئے کارلانے چاہئیں۔ ڈاکٹرفاروق ستارنے واقعہ پر قائدتحریک الطاف حسین اورایم کیوایم کی پوری قیادت کی جانب سے جسٹس سجاد علی شاہ سے بھرپورہمدردی کااظہارکیا۔