اہل تشیع کمیونٹی کے بڑھتے ہوئے قتل کی وارداتوں کیخلاف بھوک ہڑتال کرنے پر مجلس وحدت مسلمینکے رہنماعلامہ راجہ ناصرعباس سے ایم کیوایم کے قائد الطاف حسین کامکمل یکجہتی کااظہار
فرقہ وارانہ قتل فرقہ وارانہ ہم آہنگی کے ہی خلاف نہیں بلکہ نظریہ پاکستان کی بھی نفی ہے ۔ الطاف حسین
جب تک فرقہ وارانہ قتل وغارتگری کرنے والے عناصرکے خلاف عملی کارروائی نہیں کی جائے گی ملک میں فرقہ وارانہ قتل وغارتگری کاسلسلہ بندنہیں ہوگا۔ الطاف حسین
پاکستان کے ارباب اختیار مجلس وحدت مسلمین کے رہنماؤں کی آواز کو سنیں اورانکے مطالبات پر توجہ دیں۔الطاف حسین
لندن۔۔۔ 21 جون 2016ء
متحدہ قومی موومنٹ کے قائدجناب الطاف حسین نے شمالی علاقہ جات اورملک کے بعض دیگرعلاقوں میں اہل تشیع کمیونٹی کے بڑھتے ہوئے قتل کی وارداتوں کے خلاف بھوک ہڑتال کرنے پر مجلس وحدت مسلمین کے رہنماعلامہ راجہ ناصرعباس اور دیگرعلمائے کرام سے مکمل یکجہتی کااظہارکیاہے ۔ اپنے ایک بیان میں جناب الطاف حسین نے کہاکہ پاکستان میں فرقہ وارانہ قتل اورایک مخصوص کمیونٹی کونشانہ بنانافرقہ وارانہ ہم آہنگی کے ہی خلاف نہیں بلکہ نظریہ پاکستان کی بھی نفی ہے ۔ جناب الطاف حسین نے کہاکہ جب تک فرقہ وارانہ قتل وغارتگری کرنے والے عناصرکے خلاف عملی کارروائی نہیں کی جائے گی ملک میں فرقہ وارانہ قتل وغارتگری کاسلسلہ بندنہیں ہوگا۔ جناب الطاف حسین نے پاکستان کے ارباب اختیارسے مطالبہ کیاکہ وہ مجلس وحدت مسلمین کے رہنماؤں کی آواز کو سنے اوران کے مطالبات پر توجہ دے۔