ایم کیوایم لیبرڈویژن کی سینٹرل کوآرڈی نیشن کمیٹی کے رکن کاشف حسین کی گرفتاری قابل مذمت ہے۔ رابطہ کمیٹی

کراچی ۔۔۔ 21 جون 2016ء

متحدہ قومی موومنٹ کی رابطہ کمیٹی نے ایم کیوایم لیبرڈویژن کی سینٹرل کوآرڈی نیشن کمیٹی کے رکن کاشف حسین کی گرفتاری کی شدیدمذمت کی ہے ۔ اپنے ایک بیان میں رابطہ کمیٹی نے کہاکہ کراچی میں اغوابرائے تاوان کی وارداتیں ہورہی ہیں، اسٹریٹ کرائم کی وارداتیں ایک مرتبہ پھراپنے عروج پر پہنچ گئی ہیں ، تاجروں کوگینگ وارکے دہشت گردوں کی جانب سے بھتہ پرچیاں مل رہی ہیں لیکن ان جرائم پیشہ عناصراوردہشت گردوں کے خلا ف کارروائی کرنے کے بجائے رینجرزصرف اورصرف ایم کیوایم کے بے گناہ ذمہ داروں اورکارکنوں کوگرفتارکرنے،انہیں لاپتہ کرنے اور جھوٹے مقدمات میں ملوث کرنے میں مصروف ہے ۔کل ایم کیوایم فیڈرل بی ایریاٹاؤن کے فنانس سیکریٹری سیدوقاراحمدکوگرفتارکیاگیاجنہیں ابھی تک کسی عدالت میں پیش نہیں کیاگیااورآج علی الصبح ایم کیوایم لیبرڈویژن کی سینٹرل کوآرڈی نیشن کمیٹی کے رکن کاشف حسین کولیاقت آبادمیں ان کے گھرسے رینجرزنے گرفتارکرلیا۔ رابطہ کمیٹی نے کہا کہ ایم کیوایم کے ذمہ داروں اورکارکنوں کی یہ گرفتاریاں ثابت کرتی ہیں کہ کراچی میں آپریشن صرف اورصرف ایم کیوایم کے خلاف کیاجارہاہے تاکہ ایم کیوایم کو کمزورکرکے کراچی میں اسٹیبلشمنٹ کے تشکیل کردہ ٹولے کوشہرپرمسلط کیاجائے۔ رابطہ کمیٹی نے مطالبہ کیاکہ سیدوقاراحمد،کاشف حسین اوردیگرتمام گرفتار شدگان کوفی الفوررہاکیاجائے اورایم کیوایم کے کارکنوں کی گرفتاریاں بند کی جائیں۔