ایم کیوایم بیلجیئم کے زیراہتمام امریکہ کے شہر اورلینڈو میں دہشت گردی کا نشانہ بننے والے افراد کے لواحقین سے اظہار ہمدردی کے لئے برسلز میں ایک تعزیتی تقریب منعقد کی گئی
سانحہ اورلینڈو کے مقتولین کی یاد میں شمعیں روشن کی گئیں اور مقتولین کے لواحقین سے یکجہتی کا اظہار کیا گیا
برسلز ۔۔۔ 20 جون 2016ء
ایم کیوایم بیلجیئم کے زیراہتمام امریکہ کے شہر اورلینڈو میں دہشت گردی کا نشانہ بننے والے افراد کے لواحقین سے اظہارہمدردی کے لئے برسلز ایک تعزیتی تقریب منعقد کی گئی ۔تقریب میں ذمہ داران وکارکنان نے شرکت کی۔ اس موقع پر مقتولین کی یاد میں شمعیں روشن کی گئیں اور مقتولین کے لواحقین سے یکجہتی کا اظہار کیا گیا اور دہشت گردی کے اس واقعہ کی شدیدمذمت کی گئی ۔ اس موقع پر اظہارخیال کرتے ہوئے ایم کیوایم بیلجئم کے آرگنائزرفریداحمدنے کہاکہ ایم کیوایم اورلینڈومیں بے گناہ افرادکے بہیمانہ قتل کے اس واقعہ کی شدیدمذمت کرتی ہے اورمقتولین کے تمام متاثرہ خاندانوں سے مکمل یکجہتی کااظہارکرتی ہے ۔