ایم کیوایم بیلجیئم کے زیراہتمام 19جون 1992ء کے شہداء کی 24ویں برسی کے سلسلے میں برسلزاوراینڈبرپن میں فاتحہ خوانی کی گئی

برسلز ۔۔۔ 19 جون 2016ء

ایم کیوایم بیلجیئم کے زیراہتمام 19جون 1992ء کے شہداء کی 24ویں برسی کے سلسلے میں برسلزاوراینڈبرپن میں فاتحہ خوانی کی گئی ۔ فاتحہ خوانی میں بیلجئم یونٹ کے ذمہ داران وکارکنان نے شرکت کی ۔ اس موقع پر 19 جون 1992ء کے شہیدوں کے ایصال ثواب کے لئے فاتحہ خوانی کی گئی اورتحریک کے تمام شہیدوں کوخراج عقیدت پیش کیاگیااور دعا کی کہ اللہ تعالیٰ شہداء کی قربانیوں کی بدولت تحریک کوکامیابی سے ہمکنارفرمائے ، قائدتحریک الطاف حسین کو دشمنوں کی سازشوں اورشرسے محفوظ فرمائے اوردشمنوں کی تمام سازشوں کوناکام بنائے ۔ اس موقع پر گفتگوکرتے ہوئے ایم کیوایم بیلجیئم کے آرگنائزر فرید احمدنے اظہارخیال کرتے ہوئے کہاکہ تحریک کے شہداء کی قربانیوں کوکسی بھی قیمت پر فراموش نہیں کیاجائے گااورشہداء نے قوم کے حقوق کے جس مقصد کیلئے اپنی جانوں کی قربانیاں دی ہیں اس مقصدکے حصول کی جدوجہدجاری رکھی جائے گی اورقائدتحریک الطاف حسین نے جس مشن کاآغازکیاہے اسے پایہ تکمیل کوپہنچایاجائے گا ۔